Вау-десерттерді қайдан байқап көруге болады

Auyl мейрамханасы дәстүрлерді пір тұтады, бірақ заманауи нақышта орындайды. Олардың «Алма» деп аталатын фирмалық десерті — бұл алманы жай ғана жеміс емес, мәдениет бөлшегі деп санайтын Қазақстан мен Алматыға көрсетілген құрмет белгісі. Ішінде: ақ шоколад пен ванильден жасалған мусс қосылған алма-алмұрт миксі. Осының бәрі ықшам, бірақ мінсіз орындалған алма формасына жасырылған. Нағыз дәм мен мәнді жасырған минимализм.

Nuala мейрамханасындағы бақалшық десерт — бұл таза эстетика мен дәмнің нәзіктігі. Маракуйядан жасалған жұқа желе қосылған аппақ ванильді мусс әдемі бақалшыққа жасырылған, ал оны…  сүтті шоколадтан жасалған тасқа салып таратады. Иә, мұнда тіпті декорды де жеуге болады. Бұл десерт тәтті мен жеңіл қышқылтым дәмдердің үйлесімін ұнататын жандарға ұнайды.

Жерортатеңіздік асхана мейрамханасында десертті лобстер қармауышы түрінде берген кезде, оны аспаздық батылдық деп санауға болады (барлық басқа аргументтерді мәзірден іздеңіз). Бұл лобстердің ішкі жан-дүниесі бай — анар конфи мен құлпынай қосылған шоколад-ванильді мусс. Түрінің әдемілігі соншалық, тағамның дұрыстығы мен кешкі астың жоғары пайдасына өзің де сеніп қаласың. Алайда біз бұл мақалада өмірдің осындай ұсақ-түйегі туралы ойланбаймыз да.

Amelie-дегі сән қонақтардың әсем киімдерімен таусылып қалмайды — мұнда мусс десертін аңызға айналған Birkin сөмкесі түрінде береді. Ханымдардың сөмкесінде не бар? Мезгіл-мезгіл өзгеріп отыратын әр түрлі салмасы бар қою, қаныққан текстура.

Егер сізге стрит-стайл жақын болса, онда «рюкзак» LV байқап көріңіз — сүйікті шоколад балмұздақтың дәмін еске түсіретін текстурасы бар шоколадты мусс. Эстетиканы қалайтын, бірақ дәм эксперименттеріне әлі дайын емес жандар үшін мінсіз шешім.

Beefeater мейрамханасы вау-әсерлерге қанқұмарлықпен қарайды десек те болады. Олардың шоколад-жидек десерті шынайы адам жүрегінің формасында жасалған — бұл жай ғана тәтті тағам емес, бүтіндей гастрономиялық перформанс. Қызғылт-қандасын әйнекей, егжей-тегжейлі анатомия және 400 грамм таза ләззат. Оны досыңызға тосын сый ретінде алдырып көріңіз — эмоцияларының шарықтап кететіні сөзсіз.