Eng yaxshisi – bolalarga: oʻyin xonalari mavjud 10 ta restoran

Nominatsiya bo‘yicha Gran-pri — MDH hududidagi asosiy va eng mashhur oilaviy franshiza sanalgan «Ribambelle» restoraniga. Bu yerda oilaviy dam olish uchun ideal sharoitlar yaratilgan: bolalar mutlaq bayramning mohirona loyihalangan olamida soatlab vaqt o‘tkazishi, ota-onalar esa fayn-dayning uslubidagi kechki ovqatidan bahramand bo‘lishi mumkin.

«Ribambelle» restoranida ikkita bolalar shaharchasi mavjud: birinchisi kichkintoylar uchun, ikkinchisi kattaroq bolalar uchun,  bu — uylar, tepalik va quruq basseynli kattalar dunyosining haqiqiy miniatyuralari. Barcha o‘yinchoqlar xavfsiz va ekologik toza materiallardan tayyorlangan, kichik mehmonlar esa mehribon enagalar va quvnoq animatorlar nazorati ostida o‘ynaydi. Bu yerda mahorat darslari va ijodiy mashg‘ulotlar ham o‘tkaziladi: bolalar pitsa tayyorlashadi, shamlar yasashadi yoki futbolkalarni bo‘yashadi.

Kattalar nimalarni tatib koʻrishi mumkin: gigant krevetkali ikki kishilik pasta

Bolalar nima tanovul qilishi mumkin: mol goʻshtidan uyda tayyorlangan chuchvara

Bolalar maydonchasi narxi: 120 000 soʻmdan boshlanadi

Zinaidanikida mehmonda shinam uy muhiti, ruscha o‘tin pechi, qo‘lda yasalgan mebellar, nostalgik retseptlar, yuksak darajadagi iliqlik va samimiyat. Jiddiy oilaviy restoranlarga xos bo‘lganidek, bu yerda enagalar nazoratidagi keng o‘yin maydoni, shuningdek, barcha qulayliklarga ega ona va bola xonasi mavjud. Har hafta oxirida Zinaida restoranida bolalar uchun animatsion shoular va pazandalik bo‘yicha mahorat darslari: pechenye bo‘yash, vareniklar ustaxonasi, kimyoviy tajribalar, yosh xonimlar va mitti janoblar uchun restoran etiketlari, Oʻrgimchak odam kompaniyasida dunyoni qutqarish operatsiyalari va Garri Potter bilan shokoladli kartoshkani sehrli tarzda tayyorlash kabilar o‘tkaziladi.

Kattalar nimalarni tatib koʻrishi mumkin: beshbarmoq, restoran asoschisining buvisi tuzgan retsept asosida tovuq jigari

Bolalar nima tanovul qilishi mumkin: lagʻmonli tovuq shoʻrva, qishloqcha pitsa

Kechikkan nonushta va foydali ozuqa (PP) menyusiga ega zamonaviy shahar kafelarida turli yoshdagi bolalar uchun o‘yin maydonchasi yaratildi, shu tariqa loyihaning universalligi va mashhurligi Nest One’dan ham oshib ketdi. Bolalar xonasidagi kichkintoylarga enaga qaraydi, kattaroq bolalar esa PS5 o‘yinini o‘ynashi mumkin. Dam olish kunlari Benedict’da pazandalik mahorat darslari bo‘lib o‘tadi. 

Kattalar nimalarni tatib koʻrishi mumkin: buzoq goʻshti solingan iliq salat, mol goʻshti kotletli burger

Bolalar nima tanovul qilishi mumkin: tovuq kotletli mini-burger

Sersuv burger va steyklarni targ‘ib qiluvchi kultga aylangan go‘sht restoranlari erkaklarga xos va qoʻpol bo‘lishi shart emas. Oilaviy format — nima uchun shunday bo‘lishi kerak? Gōsht tarmog‘ining har bir restoranida tepaliklar, rivojlantiruvchi o‘yinlar va ko‘plab koʻngilochar attraksionlar bilan jihozlagan bolalar maydonchalari mavjud bo‘lib, hayot tantanasini malakali enagalar nazorat qiladi. Shuningdek, dam olish kunlari restoranlarda kengaytirilgan dasturli mahorat darslari o‘tkaziladi: bolalar goh pazandailikni mashq qilishadi, goh slaymlar tayyorlashadi, goh shopperlar rasm chizishadi.

Kattalar nimalarni tatib koʻrishi mumkin: josper joʻjasi, «Qoʻzichoqlar sukunati» burgeri

Bolalar nima tanovul qilishi mumkin: «Joʻja» burgeri

Mehmondo‘st va quvnoq «Yujanin» — ish kunlari oilaviy tushliklar, juma va shanba kunlari kattalar uchun ziyofatlar va dam olish kunlari bolalar uchun animatsiyalarga boy Yevropaga xos Kavkaz taomlari restorani. Kattalar bayramlarni nishonlaydi, jonli musiqa sadolari ostida raqsga tushadi, mashhurlar va yosh mahalliy musiqachilarning konsertlarida qo‘shiq aytadi; jajji mehmonlar labirint, tepalik va quruq basseynli katta Kids Roomda ko‘ngil ochadi. Har yakshanba soat 13:00 da animatsion shou, spektakl yoki mahorat darsi uchun bepul umumiy bolalar yig‘ini e’lon qilinadi!

Kattalar nimalarni tatib koʻrishi mumkin: mol goʻshtili cheburek, shashliklarning barcha turlari va megrelcha xachapuri

Bolalar nimalar tanovul qilishi mumkin: kartshka frili tovuq kabob

Cucucina trattoriyasi butun oilangiz bilan Italiyaga bir kunlik sayohat demakdir. Ota-onalar to‘plangan charchoqni pitsa bilan yeyish yoki sprits bilan ichish kerakligini hal qilguncha, bambinilar har qanday yoshga mos o‘yinchoqlar va rivojlantiruvchi materiallar bilan bolalar shaharchasida o‘zining eng yaxshi tashvishsiz hayotlarini yashaydi. Oilaviy yakshanba kuni Cucucina pazandalik mahorat darslarini o‘tkazadi, u yerda bolalar kelajakdagi massimo botturlarni nishonlaydi.

Kattalar nimalarni tatib koʻrishi mumkin: lazanya, karbonara

Bolalar nima tanovul qilishi mumkin: qoʻzi goʻshtili ravioli

«Tanuki» — «sushi va roll» yo‘nalishidagi asosiy restoran bo‘lib, u yerga katta kompaniya boʻlib, oilalar va butun avlodlar tashrif buyurishadi. Bolalar ko‘proq Tashkent City Mall’dagi filialni yoqtirishadi, u yerda Osiyoga xos minimalistik, ammo juda munosib o‘yin xonasi tashkil etilgan. Har bir bola o‘ziga qiziqarli mashg‘ulot topishi uchun ekoo‘yinchoqlar, planshetlar, multfilmli televizor, bizbord, uycha va boshqa ko‘p narsalar mavjud. Yakshanba kunlari kichkintoylar bilan animatorlar o‘ynaydi, shuningdek, muntazam ravishda mahorat darslari o‘tkaziladi.

Kattalar nimalarni tatib koʻrishi mumkin: albatta, rollar

Bolalar nima tanovul qilishi mumkin: kartoshka pyure solingan tovuqli eskimo

Broccoli Parkda shahardagi eng katta tarqatish liniyasi mavjud bo‘lib, unda bir vaqtning o‘zida 120 dan ortiq taomlar mavjud. Jumladan, bolalarbop hitlar: frikadelkali sho‘rva, mini-chuchvaralar, mini-burgerlar, baliqli kotletlar. Desert uchun — attraksion, mashinalar, bo‘yoqlar, bizibord bilan jihozlangan yoqimli o‘yin zonasi; har kuni kechqurun soat 18:00 dan 23:00 gacha enaga ishlaydi. Broccoli Park qandaydir hashamatli restoran emas, bu yaxshi moslangan har kungi kafe, shuning uchun biz bahona kutib o‘tirmay, hoziroq shaxsiy Oila kunini o‘ylab topishni taklif qilamiz.

Kattalar nimalarni tatib koʻrishi kerak: qalampir sousli qarsildoq joʻja, tabaka joʻja

Bolalar nima tanovul qilishi mumkin: quyon goʻshidan frikadelka, bolalar uchun chuchvara

Oloy bozoridagi June kafesi yosh gedonist ota-onalar uchun oʻziga xos quyoshli kunni boshlash uchun muhim joy. Aytishlaricha, agar siz allaqachon afsonaviy «Ikki kishilik katta nonushta”ga tuxum, turli xil gazaklar va bir juft shoʻx chaqnoq qadahlar bilan buyurtma bersangiz, qalbingizda iyun — yoz boshlanadi. Shu bilan birga, eng yaxshi onalar instagram akkauntlaridagi kabi, mikrooshxonalarga ega zamonaviy o‘yin burchagida bolalarning o‘z ratsioni bor. Ma’lumot uchun: June — dog-friendly-kafe, ya’ni oilaviy nonushtada hatto paxmoq oila a’zolari ham ishtirok etishi mumkin.

Kattalar nimalarni tatib koʻrishi mumkin: «Ikki kishilik katta nonushta»

Bolalar nima tanovul qilishi mumkin: tuxumli tovuq shoʻrva, chiken chips boul

Toshkentdagi turk taomlari restoranlari deyarli shaharni tashkil qiluvchi korxonalar bo‘lgani uchun sizni mavzuga oid tavsiyalarsiz qoldirolmadik. CZN Burak Gurme o‘zining yangiligi (2024-yil kuzida ochilgan) va millionlarning kumiri, tomoshabindan ko‘z uzmay ulkan shou taomlar tayyorlaydigan insta-shef Burak O‘zdemirning mashhur nomi bilan e’tiborni tortadi (agar hali bilmasangiz, tekshirib ko‘ring: @cznburak). Magic City’dagi CZN Burak menyusi ham keng qamrovli: bu yerda turk oshxonasining butun boshli ensiklopediyasi, jumladan, kabobning 18 xili mavjud. Bolalar uchun rivojlantiruvchi o‘yinlar va enagaga ega shinam o‘yin zonasi yaratildi, yakshanba kunlari esa soat 17:00 dan 18:00 gacha shou-dasturlar va mahorat darslari o‘tkaziladi.

Kattalar nimalarni tatib koʻrishi mumkin: ustiga ismingiz bitilgan «ismli pide»

Bolalar nima tanovul qilishi mumkin: rang-barang burgerlar.