Жоғары асхана: панорамалық көрініс бар тамақ жейтін орындар

Көңіл-күйіңіз қымбат әрі салтанатты киініп алып, жарқырап жүруге дайын болса — Ritz-Carlton қонақүйінің 18-ші қабатында орналасқан Selfie-ге келіңіз. Мұнда сізді Бәйтерек ескерткішінің алаңы мен Әндетіп тұрған фонтандар аллеясына керемет панорамалық көрініп күтіп тұр. Ішінде де қарайтын нәрсе көп: ашық асхана кеңістікке жан бітіреді, бәденді шарап бөлмесі үстелдерден шатырға дейін бой көтерген, тірі гүлдер кеңістікке нәзіктік сыйлайды, ал дастархандар бірінші қар сияқты сыңғырлап тұр.

Біршама сан түрлі Selfie фьюжен-мәзірі ұлттық екпіндерді сауатты түрде жайғастырып шыққан: сицилиялық сегізаяқ, фуа-градан жасалған эскалап және пармезан эспумасы қосылған тартарлардың арасынан гуакамоле қосылған қызықты жүгері бауырсақтары немесе тоннато тұздығына салынған жылқының қазы еті шыға келеді. Шетелдік қонақтарға қазақ асханасын паш ету үшін шеф Евгений Чекалин ұсынған «Солтүстіктен Оңтүстікке соққан жел» сетін ұсынамыз — бұл ел ішінде жасалған саяхат, сегіз курстан тұратын авторлық мәзірге айналған жергілікті азық-түлік пен рецептілерді зерттеудің нәтижесі. Әрбір тағам Қазақстанның тарихы мен дәстүрлерін ашады: балқаш көксеркесінен бастап жылқының жүрек еті қосылған сиыр етінен жасалған миньон сүбесіне дейін.

Selfie-ге барудың қандай себебі бар? Ол тәуелсіз сарапшылардың пікірі бойынша жыл сайын әлемнің 1000 үздік мейрамханасын жариялап отыратын La Liste 2025 халықаралық мейрамхана рейтингіне кірді; ұпайларды есептеу кезінде қонақтардың пікірлерін жинақтаған 700-ден астам халықаралық жолбасшылар мен сайттар (мысалы, Yelp және TripAdvisor), сондай-ақ, баспасөз құралдарындағы сыни рецензиялар есепке алынады (New York Times, Washington Post және т. б.) — Selfie 100 ұпайдан 76 ұпай жинаған.

Бәйтеректе серуендеп жүрген туристердің өздері сіз Меладзенің хиттерін әліпби тәртібімен шырқап жатқаныңызды есту үшін жоғары көтерілген дұрыс — «Москва» бизнес-орталығының 24-ші қабаты, Mercury караоке-бары. Мұнда құрбыңызбен шағын отырысқа, үлкен топпен туған күнді тойлауға да келуге болады: ортақ зал және үш вип-бөлмесі (12, 20 және 25 адамға) бар караоке, сондай-ақ, 80-ге жақын адам сыйып кететін бар бар.

Кешкілік отырысты апельсин хош иісі бар ликер, арақ және алма шырыны қосылған Bohemian Rhapsody фирмалық шоттар сетінен бастап, классикалық пеппер-стейкпен жалғастырып, бұл симфонияны апельсин ликері мен таңқурай пюресі қосылған райхан хош иісті джинмен тартылатын Acapella фирмалық коктейлімен тәмамдаңыз — хит сияқты естіледі.

12 жыл қатарынан Астананың ең танымал панорамалық мейрамханаларының бірі болып келеді — жазғы террасасы және Шұбар ауданындағы жағалаудағы көгалға бет бұрған көрінісі бар. Интерьері бес жұлдызды қонақүй вайбына теңелген: қабырғалардағы мәрмәр және ағаш тақталар жұмсақ дивандармен жайлы жайғасқан, ал жасыл түстің көптігі мен крахмалданған тоқымалар балғындық қосады. Жеке отырғанды ұнататындар үшін 10 адамға арналған жеке іс-шаралар өткізуге арналған, террасаға дербес түрде шығатын (жылдың жылы мезгілінде) жері бар бөлек зал бар.

Шеф Жәнібек Дияровтың мәзірі жарқын идеяларға толы: ащы васаби және чили майының түйірлері қосылған бабагануш немесе құлпынай мен балдырлар тұздығы қосылған айдаршадан жасалған севичеден бастап, 18 сағат бойы бұқтырылған сиыр етінің нәзік салмасы бар равиолимен жалғастырып, бірегей түрде манго, маракуйя мен құлпынай қосып орындалған «Павловамен» аяқтауға кеңес береміз.

St. Regis кербез қонақүйінің қабырғасында old money және дәл сол тыныш сән-салтанат рухын сезіну оңай. Және астанада жағалауға қарап тұрған ең керемет көріністі веранда бар болса, ол осы жерде — Есіл өзені мен «Қараөткел» ақ түсті доға-көпірге бағытталған.

Тек жылдың жылы мезгілінде ғана осы көріністі толықтай тамашалай аласыз. Алдын ала брондаған абзал: бұл веранданы өз армандар тізіміне өзін сыйлайтын әрбір қалыңдық қосып отырады — бұл жерде суға қараған көрініспен армандаған үйлену салтанатын жасауға болады. Бірақ, мейрамхананың ішінде де ауа мен кеңістік жетіп артылады: панорамалық терезелермен қатар шаңырақ түріндегі күмбез болып жасалған бірегей шешім қосымша жарық береді.

Мәзірде қызық опция бар — әрбір жексенбі сайын швед үстелі форматындағы бранч (12:30-дан 16:00–ге дейін). Жоқ дегенде бір рет барып келуге кеңес береміз: бүкіл мәзірді бірден — банан панкейктерден бастап бір кесе эспрессодан классикалық ағылшын таңғы асына дейін — еш өкінбейсіз!

Астанаға келгендердің бәрін өзіңе ғашық ету үшін Hilton қонақүйінің тоғызыншы қабатында орналасқан мейрамханада EXPO халықаралық көрме орталығына қарап отырып, кешкі ас ішіңіз. Мейрамханадан террасаға шығатын жер бар: егер панорамалық терезелер тек Нұр Әлем сферасына қарап тұрса, террасадан түгел көрме кешеніне керемет көрініс ашылады, ал оның ауданы 47 160 м² екен (шамамен 120 футбол алаңы).

Мәзір концепциясын фаундерлер одан сәл кішірек етіп сипаттайды: Жібек Жолының бойымен саяхат іспеттес — ерекше дәмі бар шығыс дәмдеуіштерінен бастап нәзік еуропалық тұздықтарға дейін. Осылайша, мысалы, классикалық итальяндық качо-э-пепе спагеттилеріне сычуань бұрышы мен қой сүтінің ірімшігінен жасалған хош иісті тұздық қосады. Қаланың атаулы көркем орындарының біріне және батыл асханаға шолу жасағаны үшін баруға кеңес береміз.

Күн Есілдің жиегінен батқан кезде және екі бірдей көпір — жаяу Атырау көпірі мен автокөліктер жүретін «Қараөткел» — кешкілік оттарын жаққан кезде, тек сейсенбіден сенбіге дейін және тек 18:00–ден түнжарымға дейін істейтін осы бір шағын азиялық мейрамханаға барып келіңіз. Бұл балғын балық татып көруге, коктейльдер ішуге, ауыр күннен кейін бірқалыпты атмосферада сырласып-босаңсуға арналған керемет орын.

Оған қоса, көрікті токиолық ауданға барып келгендей әсерде қаласыз. Гурмандар азық-түліктің сапасы, рецептілердің өзектілігі мен умами мөлшеріне ғана емес, тағамдарды тарту әсерлілігіне риза болып кетеді: сәл түтіндеп тұрған терияки тұздығы мен жасыл жүзім майы қосылған фирмалық рибай жапондық гриль-барбекюмен тартылады, хэнд-роллдарды микасуға, ал басытқыларды табиғи тастан жасалған ыдыстарға салып әкеледі. Бардағы мәзірден де өкінбейсіз: классикалық сусындармен қатар, St. Regis Astana қонақүйінің бармендері ұсынған signature cocktails топтамасы және ауқымды дәстүрлі саке таңдауы бар.

Астананың мейрамханалар әлеміндегі нағыз құбылғы: таңертең мұнда асықпай отырып, таңғы ас ішуге келген оңды, күндіз тыныш ортада отырып, жұмыс шаруаларын талқылаған ыңғайлы, ал кешкілік Mokki коктейль ішіп, көңіл көтеретін сауық орнына айналады. Жылдың жылы мезгілінде осының бәрін бір жарым шақырымдық Нұржол желекжолы мен Бәйтерекке көрінісі бар верандада отырып жасауға болады.

Ал әр демалыс күні өзіңізді әлемнің үздік қонақүйлеріне бара алатын Upper East Side (Манхэттендегі қымбат әрі беделді аймақ — ред. еск.) тұрғыны ретінде сезіне аласыз: Mokki бранчқа арналған таңғажайып швед үстелін жаяды. Қызыл уылдырық пен гравлакстан бастап нәзік сүзбешелер, бейглдар мен пашоттарға дейін байқап көру керек.

Ай сайын Mokki эксклюзивті ұсыныстар тізімін шығарады: әрбір жұма мен сенбі сайын сағат 18:00–ден 22:30–ға дейін week and night brunch-тан бастап, әйгілі шеф-аспаздармен бірге дәстүрлі шай салтанаттары мен аспаздық шеберлік сағаттарына дейін.

Біздің тізімдегі ең биік мейрамхана «Москва» бизнес-орталығының 25-қабатында орналасқан. Әйнектерінің таза болуын көру қиын (тым биік болғасын да шығар), ал тоғыз түркі халқының асханасын ұсынған мәзір кейде ренжітіп алады: балқан басытқысы қарапайым дірілдек, балқар басытқысы — қытайлық қызанақтар мен дүкеннен алынған тұзсүзбеден жасалған ассорти.

Тағамдардың сапасы терезедегі көрініске әсер етпейді, сондықтан, шай ішіп, тандыр пісірмелерін жеп көріп (тамшы-самсаға кеңес береміз), астанаға құс ұшатын биіктіктен қарап көру әлі де өзекті болып қала береді. Күннің райы жақсы болса Хан Шатырдан Ақ Ордаға дейін созылып жатқан сол жақ жағалауды түгел көріп қана қоймай, алыста тұрған Қазақстан Мемлекеттік рәміздерінің алаңындағы 111-метрлік Туды да көруге болады.

Біздің бағдардың ең қолжетімді «шыңы» және Ботаникалық баққа ең әдемі панорамалық көрініс: 1300 теңге тұратын американо стористерге басылған лайктармен оңай ақталып шығады. Мұндағы негізгі мәзір — бар мәзірі, оған қоса витринадағы десерттер бар, сондықтан гастрономиялық туындыларды күтпеңіз, алайда мақсатыңыз — алғашқы кездесу кезінде аз ақшамен таң қалдыру болса, бұл өте жақсы нұсқа. Raul-де алдын ала брондау жоқ, дәмхана 8:00–ден 23:00–ге дейін істейді — демек, қызу Түркістанның таңғы көріністерін де, кешкі көріністерін де қарай аласыз. Урбан-романтиктер үшін баға жетпес — бадам капучино порциясынан ауқат алып, оянып жатқан қаланы биіктен тамашалау.