Жаңа Kitchen қандай болады

Kitchen — бұл 2023-2024 жылдары Бәрібаев, 36 көшесіндегі Үйде тұрған шағын әрі феноменді бистро. Жоба Blue Bar үшін дарк-китчен ретінде ойластырылып, келушілер үшін қарапайым басытқылар әзірлеуге дайындалған болатын — сәйкесінше, кеңістік кішігірім және көзге көрінбейтін болған, қосалқы бөлме десе де болады. Кейін Kitchen шефі Иван Кудрявцев пен Blue иесі Рустам Кужагалиев бірлескен барбекю жасады: алматылық әлеуметтік желілерге ол ұнап, бәрі «инвайт» сұрай бастады — осылайша «36 үй» ауласында жексенбілік барбекю дүниеге келді. Ұзын кезек пен келушілердің өз стейкін бір-бір жарым сағат күтуге дайын болғаны соншалық, Kitchen отыратын орындар ұйымдастырып, өзін бистро деп жариялап, қонақтар қабылдай бастады.

Осыдан бәрі басталып кетті. Алдымен асханаға қарама-қарсы жерде қарапайым орындар болған, онда келген адамдар, тіпті, тоңазытқыштың үстінде отыратын, кейін зал пайда болып, артынан терраса ашылды. Қаладағы үздік тартар (редактордың пікірі бойынша), чимичурри қосылған үлгі етерлік стейк стриплойн, қытырлақ тауық еті қосылған паста, жексенбілік лазанья мен синнабондар маскарпонеден жасалған татымды крем және «аңызға айналған» деген сөзбен әдемі үйлеседі — сегіз шаршы метрде орналасқан шағын асхана шыр айналып, күніне 150-170 тағамға дейін әзірлеп үлгеріп отырды.

Алайда «36 үйдегілерді» көшіріп, кірпіштеп бұза бастады. 2024 жылдың қаңтар айында Бәрібаев көшесіндегі Kitchen соңғы кешкі асы туралы жариялап, қайта оралуға уәде берді.

Kitchen тоқтап тұрған кезде біз Кудрявцев әзірлеген тағамдарды Fika-да (қазір шеф бұл жобадан кетіп қалған), Red сыра бары мен Beefeater Dostyk мейрамханасынан татып көруге болатын. Жақында Назарбаев, 113 даңғылында (бұрынғы Фурманов көшесі) Pink шарап барының жайы босаған еді — жаңа Kitchen бистросының декорациясы енді дәл сол жерге орналасып жатыр. Құрылыс қызу жүруде, ал ашылуы сәуірдің екінші жартысына жоспарланған.

Fun Dining. Иван Кудрявцев — Мәскеуден Доминиканаға дейін жұмыс істеп келген жаңа толқынды алматылық шеф Алматыда фан-дайнинг дамытып жатыр. Бұл ерекше дайындалған және көз тартар фан-дайнинг емес, бұл қарапайым авторлық тағам — мәні қызық болғанымен, тартуы қарапайым және бағасы адал. Kitchen мәзірі сыйымды әрі өзгермелі болуды жоспарлап отыр, ішінде жыл мезгілі мен шефтің көңіл-күйіне сай жаңарып отыратын 12-15 позиция болады. Мұнда өткен жылдардың хиттері (тартар, стейк, тауық еті қосылған паста — база) міндетті түрде қайталанады, сонымен бірге жаңа тағамдар да қосылады (Pink-тен жақсы пицца-пеш қалыпты, Иван шараппен тартылатын гастрономиялық салмалары бар шағын пицца тәріздес жұқа нан әзірлеуді жоспарлап отыр); сондай-ақ жаңа бистрода таңғы астар мен пісірмелер болады. Шеф сапалы өнім мен адал бағаларға екпін қояды, ал қонақтарға берілетін чекте сервис үшін пайыз немесе ҚҚС ешқашан болмайды.

Өзекті шарап. Жаңа Kitchen картасы үшін басқарушы директор және сомелье Михаил Кривенко жауап береді (Benoit басқарушысы, мәскеулік «Мәдениеттер Үйінде» сомелье болып істеген): сіз үшін әр түрлі стилистикада қызықты шараптарды іріктеп отыруға және топтаманы «қызық бірдеңе таптым, қонақтарға да көрсету керек» деген режимде үнемі жаңартып отыруға уәде береді. Бокалға құйып тапсырыс беруге болатын ондаған шарап, 3 000-нан басталатын бағалар мен шөлмекті оңай әрі баппен ашып беруге қабілетті оқыған даяшыларды күтеміз.

Көңіл сыйса, бәрі сыяды. Бәрібаев көшесіндегі Kitchen ашық асханасымен және «достарға қонаққа келдік» деген сезім беретін тар болса да, бәрі сыйып отыратындығымен мақтанатын — Фурманов көшесіндегі Kitchen де осы вайбты сақтап қалады. Бір залда аспаздардың жұмысын қарап отыруға болатын шағын коммуналдық үстел болады, ал екіншісінде — 30-35 адам тығыз отыратын зал, ал кіреберіске қарама-қарсы жазғы терраса орналасады. Интерьерде дизайнерлік ноу-хау жоқ: ақ қабырғалар, ескі паркеттегі кілемдер, ақ дастархандар, шөлмектерге салынған майшамдар, өткен өмірден алынған «пасхалкалар» мен күлкілі принттері бар аздаған ыдыс-аяқ осы 40 шаршы метр жерде әсемдік пен қарапайымдылықты бейнелейді. Бұрын бір рет болсын Kitchen кезегінде тұрғандарға арналған күтпеген факт: жаңа бистрода брондау болады — кейбір үстелдерге және кейбір күндері, бірақ осының өзі жақсы емес пе.