22-may kuni Ultima Yandex Go yuqori texnologiyalar yordamida yaratilgan Toshkent bo‘ylab birinchi sayohat yo‘riqnomasi — Ultima Guide’ni taqdim etadi. Qo‘llanmani shakllantirish metodikasi va asosiy bosqichlari haqida aytib beramiz.
Ultima Guide: Toshkentdagi restoranlar bo‘yicha birinchi texnologik qo‘llanma qanday ishlaydi?
Birinchi qadam — AI
Sun’iy intellekt Toshkentdagi 3000 dan ortiq restoranlarni tahlil qilib, ularni buyurtmalar va tashriflar soni, Yandex Maps ilovasidagi sharhlar va yana 100 dan ortiq mezonlar asosida baholadi. Shu tariqa neyrotarmoq 140 ta joydan iborat uzun ro‘yxat tuzdi, ular Ultima Guide tarkibiga nomzodlar. Undagi restoranlar alifbo tartibida joylashgan.
Ro‘yxatga mashhur restoranlar ham, kichik kafelar ham kiritilgan. Yangi joylar (ochilganiga uch oydan kamroq vaqt bo‘lgan), barlar, qahvaxonalar, oziq-ovqat do‘konlari va tarmoqli restoranlar (uchdan ortiq nuqtalar) bundan mustasno, chunki ular boshqa mezonlar bo‘yicha baholanishi kerak. Qo‘llanmaga kirish uchun Yandex Go bilan hamkorlik shart emas.
Ikkinchi qadam — ovoz berish
Ultima Guide tanlovining keyingi bosqichi — ovoz berish. Unda 4500 dan ortiq Yandex Go foydalanuvchilari va 39 nafar mustaqil ekspertlar: restoratorlar, bosh oshpazlar, gastro-tanqidchilar, shuningdek, biznes va media vakillari ishtirok etdi. Foydalanuvchilar orasida anonim ovoz berishda yil davomida Yandex xizmatlari orqali muassasalar bilan o‘zaro aloqada bo‘lganlar ishtirok etdi. Ovoz berishni soxtalashtirishdan himoya qilish uchun har bir ishtirokchiga individual havola berildi.
Yakun
Ultima Guide qo‘llanmasiga foydalanuvchilar va ekspertlar tomonidan eng yuqori baholangan top-20 loyiha kiritiladi. Ovoz berish natijalarini Yandex tomonidan maxsus ishlab chiqilgan baholash modeli hisoblab chiqadi. Natijalarni «Yakov va hamkorlar» xalqaro konsalting kompaniyasi tekshiradi.
Qo‘llanma metodologiyasining o‘zi Markaziy Osiyo, Sharqiy Yevropa va Rossiyadagi The World’s 50 Best Restaurants hakamlar hay’ati raisi Yekaterina Pugachyova tomonidan yaratilgan.
Ultima Guide har yili yangilanishi rejalashtirilgan.