Тук-тук: азиялық мейрамханаларға тур

Еш күмәнсіз — бұл аспаздар азиялық асхананы керемет түсінеді. Қалада үш мейрамханасы бар, әрқайсысы — бөлек ғалам. Бірі сізді Гонконгтың тар көшелеріне апарса, екіншісі — нағыз азиялық базардың дөп ортасына алып келеді, ал үшіншісі — футуризм мен өзіне тән ерекшелікті теңестіреді. Бізді оқып жүргендерге арналған спойлер: осы жылы Luckee Yu Астана қаласында ауқымды жоба әзірлеп жатыр.

Мәзірде Оңтүстік-Шығыс Азияның ең үздік дәмдері жиналған, ал сөзсіз озығы — қышқыл-тәтті тұздыққа салынған тауық еті. Татып көруге тұрарлық!

Жапондық асхананы бағалай білетіндерге арналған басты фэнси-орын. Мұнда балық бірінші рейспен ұшып келеді, ал дәмінен біз шарықтап кетеміз. Оған кештерді ұзаққа созып жіберуге қауқары бар авторлық коктейльдер мен әрбір бөлшегін егжей-тегжейлі қарап отырғың келетін стильді интерьерді қосыңыз.

Үздік орын — бар алдында: мұнда балықты жапондық пышақпен ұқыптап турап жатқан шефтің өнерін тамашалауға болады. Көздің жауын алатын мұндай көріністен кейін тағы бір порция сушиге тапсырыс бергің келіп кетеді.

Жапониядан кетпей-ақ қаланың басты изакая-барына кіреміз. Шындап айтсақ, мұнда біз біраз кешті өткіздік және еш өкінбейміз: саке коллекциясы таң қалдырады.

Ашық асхананың айналасындағы бар орындықтары ас әзірлеу үрдісін бақылау әсте бір медитация іспеттес етеді. Интерьерде — неон, қызыл акценттер мен жапондық мәдениетке сілтемелер. Бағдарламада — суши, ролдар, және Raw мейрамханасын дәстүрлі «изакаядан» ерекшелейтін толыққанды шарап және коктейль карталары. Кешкі отырысты тунецтен жасалған тартар қосылған фирмалық нори «жұқа нандарынан» бастаған абзал.

Достармен сауық құруға болатын біздің сүйікті кәріс мейрамханаларының бірі. Егер кәріс дорамаларын көрген болсаңыз, бұл көріністер есіңізде болар: кейіпкерлер үстел басында отырып, шошқа етін қуырып, соджа ішіп отыр. Дәл солай қалайсыз ба? Онда Masisso-ға барыңыз.

Егер өз қолыңызбен әзірлеу идеясы аса ұнамаса (дегенмен, бұл әженің асханасы емес, мейрамхана ғой), жай ғана кәріс асханасының басты хиттеріне тапсырыс бере аласыз: кимчи, кимпаб пен басқа да тағамдар. Соджа, сыра алып, бәріміз бірге Gan Bei деп айқай саламыз.

Спешелти-кофе мен кәріс асханасы мінсіз дуэт болады деп кім ойлаған? Бола алады екен. Құрманғазы көшесінде Flask кофеханасы Chicken Star тамақтану орнымен біріктірілген — сол жерден байқап көреміз. Оның иесі Кореяның тумасы Чихун, ал оның Chicken Star жобасы — бірегей кәріс асханасын ұнататын қауым үшін нағыз олжа. Жоспар бойынша — ұнтақпен ұқыптап қапталған және түрлі тұздықтармен дәмделген алтын түстес сөлді тауық еті, оның ішінде «қауіпті» белгісі мен бес алау кескіні бейнеленген түрлері де бар.

Өзін-өзі таныстыратын факт: Бішкек қаласында олардың осы тауық етін алу үшін орасан кезек орнайтын бөлек мейрамханалары бар. Сондықтан біз байқап көруге толықтай кеңес береміз!

Біздің азиялық гидтегі аты шулы орындардың бірі. Жақында «Сё-Сё» жайлы «Алматылық дәмхана тарихта қалар нәрселер жасап жатыр» деп жазылған болатын, және бұл жай емес — бұл орын өзінің алкогольсіз коктейльдерінің арқасында The World’s 50 Best Bars арнайы тізімінің қатарына кірді. Бірақ, біздің әңгіме ол туралы емес.

Мұндағы бастысы — жай ғана тамақ емес, құпия гастро-клуб атмосферасы. Бұл бәрі өз орнында тұрған азиялық спикизи-дәмхана: жайлы әрі шағын. Мәзірдің жұлдызы — бүкіл ережелерге сай әзірленген фо-бо: хош иісті бульон қаныққан әрі нағыз вьетнамдық болу үшін бір тәулік бойы бұқтырылады. Орын табу оңай емес, бірақ бұл ерекшелік одан да сүйсіндіре түседі.

Бұл мейрамхана — біздің тізімдегі ең ұзақ істеп келе жатқан орын: 1997 жылдан бері істеп келеді және жергілікті аңызға айналған. Жомарт орын: үлкен порциялар, қалта көтеретін бағалар мен жапондық асханаға ымырасыз махаббат. Интерьері дәстүрлі шығыс мейрамханаларының сарынында жасалған барынша өзгеше.

Sumo-san дәмді қаз-қалпында жеткізу арқылы жапондық асхананың бүкіл құпияларын сақтауға тырысады. Орынның фишкасы — қайықша түріндегі ыдыстарға салып тартылатын роллдар; біз өзара оларды «махаббат қайықтар» деп атаймыз, әйтпесе мұндай гастрономиялық құлашты сипаттап жеткізу мүмкін емес.

Сіз Акуниннің сушиге не қатысы бар деп ойлайтын шығарсыз? Біз де басында бас қатырған едік, бірақ, жұмбақтың шешімін табу үшін оларды біраз қинауға тура келді. Нәтижесінде, Борис Акунин — жапон мәдениетін тереңінен зерттеп жүрген жапонтанушы екенін анықтадық. Оған қоса, «акунин» сөзі жапон тілінен аударғанда «ғаламдық зұлым» деген мән береді екен. Ал бұл жағдайда — осы зұлым логотипте бейнеленген марғау бейнесімен таныстырылған.

Бірақ бұл жердегі басты нәрсе философия емес, дәм екен. Жарқын үйлесімдер, сөлді роллдар мен батыл шешімдер — осының бәрі «Акунин Сушиге» тән. Лайк басып, екінші сетті аламыз.

Луганский көшесіндегі Тайланд филиалы. Күтпедіңіз бе? Біз де таң қалдық. Бұл жерді Тайландта бір жылдан астам уақыт тұрып, том-ямды үйдегі сорпадан жиі ішкен адам тексеріп шықты. Мұндағы том ям Пхукеттен жолдаған жылы сәлем сияқты, пад тай — Самуиде демалуға сенімді билет, ал манго райс стиктері шекарада көп күтпестен сүйікті макашницадан ұшып келгенге ұқсайды.

Бастысы, есте сақтаңыз: тай асханасы — Бангкоктағы қозғалыс сияқты, жарқын әрі айтып білгісіз. Егер шеткері шығып кеткіңіз келмесе, ащылықтың қандай деңгейін көтеруге дайын екеніңізді алдын ала ескертіп қойыңыз.