Таңғы ас 7:30–дан 16:00–ге дейін
Таңғы ас 7:30–дан 16:00–ге дейін
Big Apple алматылықтар серуендеп, жүгіргенді ұнататын Терренкурдың дәл бойында орналасқан. Абылай хан көшесі, 145 мекенжайында жеті жыл жұмыс істегеннен кейін команда осында көшіп, күнделікті ас пен кофеге басымдық берген. Мәзірде америкалық және алматылық таңғы ас, боулдар мен күнді жеңіл бастағысы келетіндерге арналған тағамдар бар. Кофе картасына флэт уайт, раф, балама әдіспен демделген кофе және фирмалық бронекофе кіреді. Бірнеше шақырым жүріп немесе жүгіріп өткен соң, таңғы асқа соғуға таптырмас орын.
Cafe Alma Алматыны бала кезден таныс тағамдар мен өнімдер арқылы таныстырады, бірақ кеңес классикасын немесе ХХ ғасырдағы кофехананы дәлме-дәл қайталауға тырыспайды. Асүйге бренд-шеф Андрей Титов жетекшілік етеді. Ол күнді бауырсақ, брынза және жаңа піскен багет қосылған алматылық таңғы аспен, жылқы етінен жасалған шұжығы бар ағылшын таңғы асымен немесе доктор шұжығы мен ақ нан ұсынылатын кеңес таңғы асымен бастауды ұсынады. Сұлы ботқасы, сүзбелі құймақ пен құймақ та бар. Күн сайын сөреден бал тортын, «Наполеонды», «Картошканы» және бала кезден таныс басқа да тәттілерді табуға болады. Интерьері де осы көңіл күйге сай: жарық кеңістік, байсалды реңктер және қаланың өткен жылдардағы суреттері.
Таңғы ас 08:00–ден 14:00–ге дейін
Таңғы ас 8:00–ден 16:00–ге дейін
Cafe Alma өткен Алматыға көз салса, көршілес Ami мүлде басқа көңіл күй ұсынады. Жобаның авторы Асқар Байтасов америкалық ресторатор Кит Макнеллидің мейрамханалары мен классикалық француз бистроларының атмосферасынан шабыт алған. Нәтижесінде Париж сәні бар қалалық кафе пайда болды. Сондықтан Ami-де La sauce fait passer le morceau деген көңіл күйге берілуге әбден болады. Әсіресе құлпынай қосылған френч-тост, қызыл уылдырықты құймақ немесе ванильді балмұздақ қосылған сұлы ботқасымен бірге. Тоқ жүргісі келетіндерге де таңдау бар: жылқы етінен жасалған шұжықпен қуырылған жұмыртқа, бриошь үстіндегі бифштекс және түрікше жұмыртқа — бәрі тойымды әрі өзгеше.
Six Coffee+Wine мәзірімен ғана емес, кеңістігінің ұйымдастырылуымен де қызықты. Интерьерде ұзақ қарап отырғың келетін бөлшектер көп: ұлутастан жасалған қабырғалар, витраждар, металл орындықтар, ашық түсті кофе машинасы және жұмыс істеуге арналған жеке аймақ. Салауатты өмір салтын ұстанатындарға брокколи қосылған ақуызды омлет, әбден ашыққандарға шұжық пен хашбрауннан тұратын сет, эстетикаға мән беретіндерге маасдам, ветчина, конфитюр және көпіршітілген сары май қосылған дат таңғы асы ұсынылады. Сән-салтанатты ұнататындарға албырт, қызыл уылдырық және алты минут пісірілген жұмыртқасы бар сет дайындалады. Ал таңертең тәтті жемесе, алдынан шыққан адамға тиісуге дайын тұратындарға банан сүзбелі құймақтары бар. Шығарда қаттама мен тәтті нандар тізілген десерт сөресінің алдына аялдауды ұмытпаңыз.
Fika қаладағы таңғы ас ішетін ең танымал орындардың біріне айналды. Оның бар болмысы дәл таңғы уақытта ерекше ашылады. Өзіңіз құрастыратын таңғы ас, кацу-сэндвичтер, таңғы бургер, сүзбелі құймақтар мен түрлі ботқалар — оның ішінде ысталған балдыркөк пен саңырауқұлақ қосылған арпа ботқасы да бар — мәзірде таңды шынымен жақсы бастауға көмектесетін бірнеше ондаған нұсқа ұсынылған. Жоба өз тәттілері мен пісірмелерін ерекше мақтан тұтады. Сусындар да жеткілікті: фильтр-кофе мен пуровер, смузи мен матча, қазақша шай және лимонадтар. Интерьердің өзі арнайы келуге себеп: скандинавия эстетикасы мен мұқият ойластырылған бөлшектер айналаны құрылыс ағаштары қоршап тұрса да, әдемілігін жоғалтпайды. Таңертең мұнда адам көп болады, сондықтан дастарқан басына жайғасқыңыз келсе, тым кешікпеген жөн.
Aroma-да таң асықпай басталады. Панорамалы терезелер, прованс элементтері бар жайлы интерьер және артық күрделілігі жоқ мәзір ұзақ отырып таңғы ас ішуге жайлы жағдай жасайды. Тойымды нұсқалардың арасында скрэмбл мен қытырлақ саңырауқұлақ қосылған вафли, шұжық пен начосы бар мексикалық шакшука, сондай-ақ жергілікті хит — лабне, қатпарлы шелпек және жасыл аджикамен ұсынылатын түрікше жұмыртқа бар. Серотонин керек болса, тәттілер бөліміне көз салыңыз: ботқалардан бөлек, үй граноласы қосылған манго йогурты, қаймақпен ұсынылатын пончиктер және жидек компотесімен көпіршітілген сүзбе бар.
Таңғы ас жұмыс күндері 8:00–ден, демалыс күндері 9:00–ден жабылғанға дейін
Таңғы ас 8:00–ден 16:00–ге дейін
Таңғы ас 8:00–ден 16:00–ге дейін
Astra Grand Cafe осы топтамадағы ең салтанатты таңғы ас сценарийін ұсынады. Мұнда таңғы ас классикалық гранд-кафеге арнайы баруды еске салады: фарфор ыдыс, ұқыпты дастарқан, айшықты интерьер және мұқият қызмет көрсету. Бұл — «жол-жөнекей кіріп, жүрек жалғайтын» емес, таңғы сәнді серуеннің өзінен ләззат алатын орын. Сән-салтанатқа ниеттеніп келген соң, кем дегенде 8 700 теңгеге қызыл уылдырық қосылған бутербродқа тапсырыс беру керек. Дегенмен Astra-да страчателла мен жыланбалық қосылған омлет те, мортаделла салынған қытырлақ құймақ та, тіпті құлпынай қосылған көмеш те (запеканка) мерекелік кейіпте ұсынылады.
Фото: мейрамхананың сайттары мен әлеуметтік желілері; Yandex Maps
