Kichik oilaviy qandolatxonadan boshlangan Safia bugungi kunda shahar bo‘ylab keng tarmoqqa aylangan bo‘lib, mehmonlarini shinam yevropacha uy ruhidagi nafis muhit bilan kutib oladi. Mazkur filial ikki qavatdan iborat: birinchi qavat to‘liq peshtaxtalarga ajratilgan bo‘lsa, ikkinchi qavatda mehmonlar uchun qulay o‘rindiqli zal joylashgan.
Interyerda Provans uslubining romantik kayfiyati neoklassik elementlar bilan uyg‘unlashgan. Yog‘och bufetlar, nafis chinni vazalar, bezak buyumlari bilan bezatilgan ixcham javonlar hamda o‘yma oyoqli yumaloq stollar makonga o‘ziga xos iliqlik va did bag‘ishlaydi.
Peshtaxtalarda tortlar, pirojnilar va yangi pishirilgan xamir mahsulotlarining nihoyatda boy tanlovi namoyish etilgan bo‘lib, aynan ular Safia konsepsiyasining asosini tashkil etadi. Shu bilan birga, tarmoqning ko‘plab filiallarida bugungi kunda issiq taomlarni ham taklif etuvchi to‘laqonli oshxona faoliyat yuritmoqda.
Bu yerdagi San-Sebastyan ortiqcha zichlikdan xoli, nafis va mayin tuzilishga ega. Uning yuzasi nozik tillarang qobiq bilan qoplangan bo‘lib, ta’mida tvorogli pishloqning yoqimli notalari yaqqol seziladi, shirinligi esa me’yorida saqlangan. Shuningdek, desert uchun suyuq sutli shokolad ko‘rinishidagi toppingni alohida xarid qilish mumkin. U chizkeykning pishloqli asosini juda yaxshi to‘ldirib, ta’m uyg‘unligini yanada boyitadi. Faqatgina taqdimotdagi kichik bir jihat biroz ko‘ngilni xira qildi: chizkeyk peshtaxtada saqlanadigan texnik himoya plyonkasi bilan birga dasturxonga tortiladi. Bu tarmoqli muassasalar uchun tushunarli holat bo‘lsa-da, umumiy taassurotni biroz soddalashtirib qo‘yadi. Peshtaxtada San-Sebastyanning shokoladli, tiramisu va PP (sog‘lom ovqatlanish) kabi boshqa turlarini ham topish mumkin.
San-Sebastyan — 38 000 so‘m
Ushbu qahvaxona anchadan buyon faoliyat yuritib keladi va sifatli qahva tayyorlashga asosiy e’tibor qaratgan Toshkentdagi ilk maskanlardan biri sifatida haqli ravishda e’tirof etiladi. Mehmonlarni eshikdan kirishlari bilanoq yangi damlangan qahvaning to‘yimli hidi qarshi oladi. Interyer industrial loft uslubida bezatilgan: yog‘och to‘siqlar, charm divan-kupelar va metall yoritgichlar makonga o‘ziga xos kayfiyat bag‘ishlaydi. Devorlarda tumanli plantatsiyalar va tog‘lar tasvirlangan yirik fotopanellar joylashtirilgan bo‘lib, ular qahva donasi yetishtiriladigan hududlar muhitini eslatadi. Menyuning asosiy qismini maxsus ichimliklar va to‘yimli nonushtalar tashkil etadi, shuningdek, bir nechta issiq taomlar ham taklif etiladi.
San-Sebastyan — 41 000 so‘m
Bu yerda baskcha uslubdagi chizkeyk ancha kichik hajmda tortiladi va unga shokoladli sous ham qo‘shib beriladi. Uning tekis kesilgan qismiga qarashning o‘zidayoq teksturasi og‘irdek tuyuladi. Ta’tib ko‘rganda ham aynan shunday taassurot uyg‘ondi: desert juda zich, unda bask chizkeykiga xos mayinlik deyarli sezilmaydi, yumshoq donador tvorogsimon konsistensiyasi esa ko‘proq toblamani eslatadi. Shu bilan birga, chizkeykning ustki qobig‘i ancha to‘q rangga kirguncha pishirilgan. Espresso chashkasida alohida taqdim etilgan topping esa kutilgan taassurotni qoldirmadi. Sous haddan tashqari shirin bo‘lib, ta’mi va teksturasi jihatidan arzon shokoladli pastani eslatadi. Uning mayda donachalari tilda yaqqol sezilib turadi.
Bu maskan shaharda avvalo o‘zining xos muzqaymog‘i va Belgiya vaflilari bilan mashhur. Taras Shevchenko ko‘chasidagi filiali alohida jozibaga ega bo‘lib, shinam yashil issiqxonani yodga soladi: ichkarida makonni jonlantirib turuvchi ko‘plab yirik bargli tirik o‘simliklar bor. Devorlar xos shirinliklar va ishtahani qitiqlovchi jelato aks etgan yorqin posterlar hamda Italiyaning turli hududlari tasvirlangan fotosuratlar bilan bezatilgan. Import shirinliklar bilan to‘ldirilgan katta aylanma peshtaxta ham e’tiborni tortadi. Taomnomadan shirinliklar va muzqaymoqdan tashqari, asosan pasta, o‘choqda pishirilgan Rim pitsasi hamda yengil O‘rta dengiz salatlariga urg‘u berilgan to‘laqonli italyan oshxonasi o‘rin olgan.
San-Sebastyanni suyuq shokolad va qarsildoq krambl bilan birga tortishadi, menyuda bu shirinlikning turli toppinglar bilan taqdim etiladigan boshqa turlari ham bor. Chizkeykning tuzilishi biroz zichdek tuyulsa-da, ayni paytda hayratlanarli darajada mayin va yumshoq, qolaversa, sifatli tvorogli pishloqning me’yoriy ta’mi aniq sezilib turadi. Shirinlikning usti bir tekisda qizarib pishgan va chiroyli, quyuq shokoladning to‘yingan ta’mi esa insonda faqat yoqimli taassurot qoldiradi.
San-Sebastyan — 69 000 so‘m
Novvoyxonaning nafis makoni yevropacha did va hashamat estetikasi asosida yaratilgan. Shunisi e’tiborga loyiqki, tarmoqning barcha filiallari yagona, o‘ziga xos uslubda bezatilgan: interyerlar tirik o‘simliklar, nafis ganchkorlik bezaklari va vintaj ko‘zgular bilan to‘ldirilgan. Zal markazidagi ko‘p pog‘onali marmar favvora esa ushbu maskanning asosiy diqqat markazi hisoblanadi. Taomnoma o‘zining hunarmandchilik noni, qatlamali pishiriqlar va ajoyib nonushta taomlari bilan mashhur.
San-Sebastyan — 121 000 so‘m
Bu qandolatxona tarmog‘i poytaxt aholisiga turfa xil pirojniy va mualliflik desertlarining katta tanlovi bilan yaxshi tanish. Ushbu filial ikki qismga ajratilgan: kiraverishda mehmonlarni shirinliklar bilan to‘ldirilgan katta peshtaxta kutib oladi, o‘tirib vaqt o‘tkazish uchun esa ikkita alohida zal mavjud. Birinchi zal pastel ranglarda bezatilgan bo‘lib, unda och rangli divanlar va sharsimon qandillar bor. To‘q qizil rangdagi dumaloq stollar va kreslolar qo‘yilgan ikkinchi zal esa ancha xilvat bo‘lib, davra suhbatlari uchun juda mos keladi. Desertlardan tashqari, bu yerda salatlar, sendvichlar, sho‘rvalar va pastalar tayyorlanadigan to‘liq oshxona ham faoliyat yuritadi.
Breadly’ning bask uslubidagi San-Sebastyan chizkeyki asl retseptga imkon qadar yaqin tayyorlangan. Qalin va to‘q rangli qobiq ostida nihoyatda mayin, deyarli suyuq, qaymoqsimon mag‘ziga ega. Ustki qobig‘i kuchli darajada pishirilgan bo‘lib, o‘ziga xos karamel tusiga ega. Desert bilan birga iliq suyuq shokolad nafis chinni sut idishchasida alohida tortiladi, bu esa topping miqdorini didingizga ko‘ra mustaqil belgilash imkonini beradi.
Chizkeykning teksturasida yoqimli yengillik yaqqol seziladi — u og‘izda deyarli erib ketadi. San-Sebastyan original tvorogli pishloqqa xos nafis sho‘r-shirin muvozanatni juda nozik tarzda namoyon etadi. Bu ta’mi va teksturasi bilan alohida ajralib turadigan desert bo‘lib, reytingimizdagi eng namunali San-Sebastyanlardan biri, deyishga to‘la asos bor.
Bu safar biz vanilli San-Sebastyan chizkeykini tatib ko‘rdik, biroq peshtaxtada uning pistali turi ham mavjud. Ushbu chizkeykning eng katta afzalligi — hayratlanarli darajada mayin, mutlaqo bir xil va og‘izda erib ketadigan teksturasidir. Kesilgan qismida tabiiy vanilning mayda qora donachalari yaqqol ko‘rinadi va aynan shu desertga nafis xushbo‘y hid bag‘ishlaydi. Tvorogli pishloqning ta’mi juda mayin va me’yorida sezilib, umumiy qaymoqsimon uyg‘unlikni bosib ketmaydi. Shokoladli topping ham yuqori sifati bilan quvontiradi. Desertning beqiyos mayinligi esa uni sharhimizdagi eng kuchli nomzodlardan biriga aylantiradi.
San-Sebastyan — 40 000 so‘m
Yakuniy xulosa
1-o‘rin: Breadly — degustatsiyaning munosib g‘olibi va barcha jihatdan mukammal bo‘lgan mutlaq etalon.
2-o‘rin: Cake Lab — tabiiy vanil qo‘shilgan g‘oyatda mayin, ipakdek silliq va og‘izda eriydigan tuzilishi uchun faxriy kumush medalni qo‘lga kiritdi.
3-o‘rin: Paul — boy qaymoqsimon ta’mi hamda to‘q shokoladdan tayyorlangan sousi tufayli kuchli uchlikni yakunlaydi.
4-o‘rin: Giotto — bir tekis qizargan qobig‘i va pishloq ta’mining yaxshi muvozanati bilan tahlilimizning oltin o‘rtaligidan joy oldi.
5-o‘rin: Safia — har kun uchun mos, oddiy, ammo mazali chizkeyk. U shunchaki bu safargi taqqoslashda kuchliroq raqobatchilardan ortda qoldi.
6-o‘rin: B& B — desertning eng zich talqini bo‘lib, tuzilishi jihatidan ko‘proq uy usulida tayyorlangan tvorogli toblamani eslatadi.
Afsonaviy fransuz tarmog‘i o‘zining ko‘p yillik an’analariga sodiq qolib, klassik Parij qahvaxonasi muhitini qayta yaratmoqda. Devorlarga qat’iy uslubdagi yog‘och bagetlar ichiga olingan arxiv suratlari va portretlar joylashtirilgan bo‘lib, ular brendning olis 1889-yilda tashkil etilishi haqida hikoya qiladi. Ostona hatlaboq, o‘ziga xos hunarmandchilik nonlari, kruassanlar va nafis shirinliklar bilan liq to‘la hayratomuz peshtaxta e’tiborni tortadi. Mehmonlar asosiy zaldagi moviy rangli chuqur kursilarda yoki ayvondagi katta derazalar yonida bemalol joylashishlari mumkin. Kafe menyusi faqat pishiriqlar bilangina cheklanmaydi: hozir bu yerda italyancha pasta va yangi tutilgan baliqdan tortib, steykkacha bo‘lgan to‘laqonli issiq taomlar, shu bilan birga, burger va muzqaymoq ham tayyorlanadi.
San-Sebastyan — 70 000 so‘m
San-Sebastyan chizkeykining ushbu ixcham talqini an’anaviy yevropacha uslubda sifatli tayyorlangani bilan ajralib turadi. Desertning tuzilishi zich, baxmalsimon va yoqimli yog‘simon mayinlikka ega. Ustki qobig‘i chiroyli shokolad tusiga kirguncha pishirilgan bo‘lib, ta’miga kuygan karamelning zo‘rg‘a seziladigan xos achchiqligini baxsh etadi. Bu achchiqlik desertning to‘yingan qaymoqli asosi bilan ajoyib uyg‘unlashadi. Chizkeyk bilan birga alohida sous ham tortiladi va unda quyuq shokoladning teran ta’mi aniq sezilib turadi. Bu mashhur desertning juda to‘yimli talqini bo‘lib, uning serqaymoq va boy ta’mi ilk luqmadanoq kuchli taassurot qoldiradi.
