Restobar Shanghai 1984: panaziya, kokteyllar, utopik panorama
Shanghai 1984 terrasasidan tezlashtirilgan tasvirday oʻsib borayotgan Toshkent manzarasi koʻz oldingizda namoyon boʻladi. Ichkarida esa XX asr boshlaridagi Shanxay Bundining aks-sadosi yangraydi: bir vaqt va makon kokteylida uygʻunlashgan Britaniya neoklassikasi, fransuz ar-deko uslubi, Xitoy nafosati va Amerika zamonaviy sanʼati mujassam boʻlgan. Oʻtgan asrning yigirmanchi yillari Shanxay uchun muhim davr boʻldi: oʻshanda shahar Yevropadan kelgan muhojirlarni oʻziga jalb qiladigan markazga aylangan edi. Shunga oʻxshash voqea 1984 yilda ham takrorlandi.
Bar Shanghai 1984 deb nomlangan, chunki u oʻnlab yillar izolyatsiyadan keyin Shanxay dunyoga ochila boshlagan davrga ishora qiladi — 1984-yilda shahar Xitoydagi birinchi iqtisodiy islohotlar hududlaridan biriga aylandi. Bu nom oʻtgan davrni qoʻmsash va kelajakka qarashni oʻzida mujassam etgan boʻlib, shahar global oʻzgarishlar arafasida turgan paytni aks ettiradi. Bar oʻsha davr muhitini qaytadan talqin qiladi: madaniyatlar tutashgan nuqta, oʻzgarishlar ruhi va urbanistik Xitoyning yashirin hashamati aks ettirilgan.
Asosiy zal kinematografik yorugʻlik, oʻtgan asr Shanxayining toʻq rangli mebeli va ritmi bilan kutib oladi. Bar peshtaxtasi asosiy sahnaga, keyin esa ochiq sushi zonasiga aylanadi: u mehmonlar real vaqt rejimida Osiyo oshxonasining miksologiyasi va nozik jihatlarini kuzatishlari uchun moʻljallangan. Atrofda suhbatga shoʻngʻib ketmoqchi boʻlganlar uchun divanlar, ularning orqasida esa qulaylikni qoʻriqlaydigan terrakota jangchilari joylashtirilgan. Markazda — shovqinli kompaniyalar uchun dumaloq stollar. Musiqa uchun alohida joy ajratilgan: DJ-pulti asosiy zal va terrasa chegarasida joylashgan.
Terrasa hayratlanarli: suriladigan panoramali derazalar ortida Nukus va Bobur koʻchalari kesishmasining keng koʻrinishi, kechqurun esa bu yerdan aeroport tomonda uchayotgan va qoʻnayotgan samolyotlarni koʻrish mumkin. Kunduzi terrasa yorugʻlik va shahar hayoti bilan toʻlib-toshadi, tunlari esa nurlar va soyalar vohasiga aylanadi.
Shanghai 1984 taomnomasida pan-osiyo oshxonasidan kutilgan barcha taomlar mavjud: oʻziga xos uslubda tayyorlangan sushi va tataki, dim-sam va voklar. Uch xil ikra bilan tayyorlangan tunets tartari (125 000 soʻm), pishirilgan ugorli kamamber (280 000 soʻm), ugor va karamel qoʻshilgan roll (235 000 soʻm), krab goʻshtli serhasham bao (275 000 soʻm) hamda kung pao uslubidagi tovuq (120 000 soʻm) taomlariga eʼtibor qaratishingizni tavsiya etamiz.
NUGU Group bar falsafasi Olmaotadagi mashhur French 42 bari mualliflari bilan birgalikda ishlab chiqilgan. Bu bartenderlar uchun kokteyl shunchaki ichimlik emas, balki taʼm, ohang va madaniy maʼnoga ega boʻlgan bir tarixdir. Bu holatda kokteyl xaritasi Shanxayning toʻrtta tarixiy yoʻnalishi atrofida tuziladi: Fransiya, Britaniya, Rossiya va Xitoy. Mast-tray — yengil va yorqin Da Ma Lu, ziravorli va biroz achchiq Joffre Mule va tetiklantiruvchi Orthodox Tini (100 000 dan).
Nozik mehmonlar uchun barda shaxsiy xonalar mavjud: sotib olingan alohida shishani ehtiyotkorlik bilan saqlab qoʻyish va keyingi tashrif chogʻida undan yana foydalanish imkoniyati bor.
Dastlabki kuzatuvlarga koʻra, Shanghai 1984 barida Toshkentning yangi qiyofasini shakllantiruvchilar: yosh arxitektor va dizaynerlar, tadbirkorlar, gastro-sayyohlar, ekspatlar — muhit, did va tafsilotlarni qadrlaydiganlarning barchasi uchrashadi.
Foto: restoran matbuot xizmati