Орталықтағы қымбат емес 6 дәмхана

Жергілікті паблик топтамаларының тұрақты кейіпкері. Ол да түсінікті, себебі қалалық «Kөктем» дәмханасы босаңсыған алматылық атмосферасы және азиялық, еуропалық және үнді асханаларының сан түрлі тағамдарымен еліктіреді. Бургер сүйер қауым бұл жердегі стритфуд бұрышынан қызықты позицияларды табады, ал аналар балаларын ойын бөлмесіне жіберіп, әлі суып үлгермеген бір кесе кофесінен ләззат алып отыра алады. Оған қоса «Көктем» жайлы жазғы террасасы, керемет тақырыптық ивенттер мен Бәйтерекке көрінісімен мақтана алады. Жалпы айтқанда, біздің топтамадан орын алуға лайық.

●     асшаян қосылған скрэмбл, 3350 теңге;

●     борщ, 2250 теңге;

●     пюре қосылған үй котлеттері, 2750 теңге;

●     сусын мен фри қоса берілетін чизбургер-сет, 3750 теңгеден басталады;

●     спагетти болоньезе, 2550 теңге.

Сулы-жасыл бульвардағы шағын кәріс дәмханасы зумерлер мен k-pop жанкүйерлерінің көңілінен шығады. Аппақ қабырғалары, панорамалық әйнектері мен молынан орналасқан жасылкөктің арқасында дәмхананың іші өте жарық. Жұптар мен шағын топтарға арналған үстелдер бар, бірақ ешкімнің көзіне түспей отыра алмайсыз. Мұндағы хиттер — қытырлақ ягнем тауық еті, рамен, токпокки, кимбаптар. Бір-екі түсірілім жасауды ұмытпаңыз, бұл жердегі жағдай әдемі көрінеді. Жағымды бонус — графиндерге құйылған тегін су, сондықтан сусын алу міндетті емес.

●     тауық еті қосылған рамен, 3000 теңге;

●     токпокки, 3400 теңге;

●     ягнем қанатшалары (6 дана), 3500 теңге;

●     тунец қосылған кимбап, 2900 теңге;

●     том ям, 3900 теңге.

Мінсіз түскі ас жоспары — қытырлақ қызғылт қабықшасы мен сөлді салмасы бар трюфельді пануоццоны жылдам асап алу немесе сезініп, асықпай, тәбетпен бір порция фреш-пастаны жеп алу (тауық еті мен саңырауқұлақтар қосылған тальятеллені байқап көруге кеңес береміз). Өз тапсырысыңызды күтіп отырған кезде сөреден кез келген кітапты алып қарауға, декорды тамашалауға, сүйкімді аспаздармен күлкі алмасуға болады.

●     тунец қосылған салат, 3190 теңге;

●     жасымық сорпасы, 1390 теңге;

●     тауық еті мен саңырауқұлақтар қосылған тальятелле, 2990 теңге;

●     трюфельді пануоццо, 3090 теңге;

●     «Рататуй» пануоццосы, 3090 теңге.

Астананың іскерлік орталығындағы тәулік бойы істейтін орындардың бірі. Таңертең мұнда жидек компотымен тартылатын сүзбелі құймақтар немесе маскарпоне муссы қосылған сұлы ботқасымен таңғы ас ішіп алуға, ал кешкілік бір шөлмек шарап, парм прошутто және фонтина сыры болатын романтикалық кешкі асқа оралуға болады. Jolly-де футуризм сарыны бар қоңыр-жасыл реңктегі интерьерге, жеңіл-желпі құпиялылық пен персоналдың кішіпейілдігін сақтауға мүмкіндік беретін отырғызу тәсілін бағалауға болады.

●     ағылшынша таңғы ас, 3500 теңге;

●     фин сорпасы, 1900 теңге;

●     антипасти, 3500 теңге;

●     басмати күріші қосылған бұқтырылған қабырға еті, 3500 теңге;

●     теңіз өнімдері қосылған паста, 3500 теңге.

Бюджеттік топтамаға дәл осындай қарапайым емес тұшпара сататын орын өте қажет: құс еті қосылған көк түсті тұшпара, асшаян еті қосылған қара тұшпара немесе «Четыре сыра» рецептінің тұшпара түріндегі туындысын тағы қайдан татып көресіз. Бұл «Керуеннің» фуд-кортындағы дәмхана — үйдегідей дәмді түскі ас ішіп алуға болатын аздаған орындардың бірі. Отыратын орындар көп емес, ал түскі ас кезінде бос үстелді тауып алу үшін біршама тырысуға тура келеді. Жағымды бонус: 7 жасқа дейінгі балалар тегін тамақ ішеді.

●     «Мимоза» салаты, 1700 теңге;

●     қаймақ қосылған борщ, 1900 теңге;

●     «Патша асшаяны» тұшпаралары (15 дана), 3300 теңге;

●     «Скажите сыыыр!» тұшпаралары (15 дана), 3100 теңге;

●     үйдегідей лимонад, 700 теңге.

Тек орталықта емес, түгел астанадағы to-go форматындағы жалғыз кеспехана. Nudu — Талан Тауэрс пен «Москва» БО арасындағы көзге түспейтін түкпірде орналасқан ақ түсті қарапайым павильон, соған қарамастан қанша мән мен дәм бар десеңші. Мұнда шағын үстелдер (бар-жоғы төртеу ғана) алдына отырып түскі ас ішуге, не болмаса, бір қорап кеспені ала шығып, әрі қарай әлемді бағындыруға жөнеле берсеңіз болады. Айтпақшы, кеспе бірер минутта әзірленеді.

●     веган-паста, 1550 теңге;

●     альфредо пастасы, 1850 теңге;

●     «Токио» кеспесі, 2290 теңге;

●     асшаяндар қосылған кеспе, 2550 теңге;

●     карак-шай, 650 теңге.