Oltin va trufel, jilo va goʻzallik

Odatiy dengiz taomlarini Kaspiyka restoranida totib koʻrishingiz mumkin — bu yerda tojli okroshka va qizil ikra (175 000 soʻm), qisqichbaqali shaurma (89 000 soʻm) va osyotr goʻshtli mini chebureklar (130 000 soʻm) taqdim etiladi. Omadingiz kelsa, restoranda vaqti-vaqti bilan uyushtiriladigan osyotr baligʻini boʻlaklash gastro-shousiga duch kelasiz. Bosh oshpaz Alyona Ivaxnenko katta baliqni mohirona tozlaydi, ichini tozalab, shu zahotiyoq mehmonlarga yangi osyotr va qora ikra bilan tayyorlangan nozik taomlarni totib koʻrishni taklif etadi. Gastronomik jihatdan hayratlanarli. 

Belgiya pivo klassikasi elchixonasi boʻlmish, Brasserie Lambic restoranida anʼanaviy sharob sousli (290000 soʻm) yoki rokfor pishlogʻi qoʻshilgan midiy qozonchasiga (290000 soʻm) buyurtma bering U qarsildoq baget va fri bilan birga tortiladi, ularni albatta sousga botirib yeyish kerak. Ammo haqiqiy gastronomik «auch» — midiyalarga qoʻshimcha qovurilgan kartoshka va bir shisha shampan olib, 10-yanvarda oʻz bayramini nishonlaydigan bunday ulfatchilikni sevuvchilar jamoasiga qoʻshilishdir. Lekin biz kim boʻlibmizki, hozir bunday lazzatdan voz kechsak? Yaxshisi yetarli darajada.

Steyklar ibodatxonasi boʻlmish «Myasnoy» restoranida, sersuv ribay, ishtaha ochuvchi tartarlar va yuqori sifatli dudlangan qovurgʻalardan tashqari, nozik didli gedonistlar uchun alohida taklif mavjud: 24 karatli dry aged steyki. Sizga tomagavk (1 600 000 soʻm) yoki yetarli darajada qovurilgan bon file (2 000 000 soʻm) tayyorlanadi va oltin plyonka ostida dasturxonga tortiladi. Hech qanday qoʻshimcha taʼmlarni kutmang, shunchaki aql bilan tayyorlangan yaxshi goʻsht va ichidan porlab turadigan dasturxoningizga qoʻshimcha eʼtibor.

Hozir urf boʻlgan Yaponiyaga Toshkentdan chiqmasdan borish mumkin. Premium Teppanyaki restoranida sizni haqiqiy ziyofat kutmoqda: A4-A5 darajali yuqori marmarlik koʻrsatkichiga ega vagyuli (marmar goʻshtli) roll, Kunchiqar mamlakatidan bevosita keltirilgan (1 350 000 soʻm), Kamchatka qisqichbaqasi goʻshti bilan tayyorlangan «Kaliforniya» (570 000 soʻm), Tinch okeanining moviy tunetsidan tayyorlangan sashimi (590 000 soʻm), qora ikra qoʻshilgan ustritsa (230 000 soʻm). Issiq ovqat uchun teppanga murojaat qiling — stolga oʻrnatilgan poʻlat yuzada baliq va goʻshtni pishirish usuli. Karib dengizi lobsterining dumi (545 000 soʻm), sakkizoyoq (580 000 soʻm), vagyu misudji (100 gramm uchun 630 000 soʻm), AQShdan keltirilgan qora treska (125 gramm uchun 375 000 soʻm) ekzotika ixlosmandlarining alohida eʼtiborini tortadi. Bularning barchasini vasabili krem-bryulega (95 000 soʻm) aralashtirib, yana Yaponiyaga sayohat qilish orzulariga berililing.

Yorqin tryufel taʼmli nozik burger uchun The Burger kafesiga tashrif buyuring. Ayniqsa, C1 dagi shoxobchasi eng yaxshi tanlovdir. Ayvonda daraxtlar soyasida qulayroq oʻtirib oling, tryufelli burger (70 000 soʻm), yaxshisi ikkita — oʻlchami imkon beradi, shu bilan birga tryufelli kartoshka fri (45 000 soʻm) va albatta tryufelli sous buyurtma qiling. Tryufellikning yuqori darajasi rohatlanishga bevosita mutanosibdir.

Yaqinda ochilgan Nachalo wine& kitchen sharob jannatida 16 mamlakatdan 130 dan ortiq sharob doʻkonlari orasida taniqli mutaxassislar oʻzlari uchun eng qimmatbaholarini topadilar: biodinamik Avstriya apelsini, ifodali Luara kremani, filtrlanmagan risling petnati. Lekin baʼzan qadahlarda oddiy shampan boʻlishini juda xohlab qolasan. Nachalo restoranida koravin — qimmatbaho ichimlikni shishani ochmasdan va vinoni kislorod bilan aloqaga kiritmasdan quyish imkonini beradigan maxsus tizim mavjud. Moʻjizami? Moʻjiza! Ammo faqat sharob bilan qorin toʻymaydi. Bosh oshpaz Aziz Keldiyorov sizga qahva mussli minyon filesi, vasabi pyuresi qoʻshilgan qoʻzichoq tili, ismaloq va chuka yoki dengiz mahsulotlaridan tayyorlangan krudo qoʻshilgan kichik sakkizoyoq kabi gastronomik juftliklarni tanlab beradi.

Qand shokolad doʻkoni (oʻzb. «konfet») shokolad va nachinka orqali Oʻzbekistonga maftun qiladi. Odatda ustki kiyimga qarab baho berishadi, Qand kiyimlari esa juda chiroyli — mahalliy syujetlar bilan, koʻpincha oʻzbek rassomlari, dizaynerlari va ustalari bilan hamkorlikda. Ichida nima bor? Tarix va xotiralar. Toʻq sariq folgani ochib, tishlab koʻrasiz — va mana siz oʻrik daraxti ostida turibsiz, ikkinchi marta tishlaysiz — va qoʻlda pista terayotgan ayollarni koʻrasiz, uchinchi marta — va sutli shokolad barchasini yagona simfoniyaga birlashtiradi. Qutichadagi qand poytaxt mehmonlari va sevimli insoningiz uchun ajoyib sovgʻa boʻladi. Brend tez-tez maxsus taqdimotlarni eʼlon qiladi: Navroʻz bayramiga sumalak taʼmli konfet, Oʻzbekistonning biror shahri sharafiga yoki mamlakat ramzlari tushirilgan konfet. Narxi — 1 dona konfet uchun 48 000 soʻmdan, sovgʻa toʻplami uchun 1 650 000 soʻmdan boshlanadi.

Fotosuratlar: restoranlarning veb-saytlari va ijtimoiy tarmoqlari; Yandex xaritalari