Маусымашар: Алматының үздік жазғы террасалары

Бәріміз бақшаға барамыз

Giardino өз атына лайық (итальян тілінен аударғанда «бақша»): бұл терраса сәлден соң көгалға да айналуы мүмкін. Темірден соғылған қызыл орындықтар, ағаш астындағы жайлы диван, ортадағы фонтан — кездесуге арналған тым эстетикалық декорациялар. Мұндағы конструктор таңғы астар, манго қосылған нәзік сүзбелі құймақтар, рикотта қосылған флорентиялық құймақтар мен бокалдарға құйылған шампан асықпай отырып, жексенбілік таңғы ас ішу үшін керемет.

Итальяндық сән

Әлеуметтік желілерге әсем кадр жасау үшін жасалған күн шуақты Италия. Кеспектелген ағаштар, тоқылған креслолар, қолшатырлар көлеңкесі мен шеттері жіңішке пицца — әсем бастама. Blanca-да кездесу ұйымдастырған, ұзақ таңғы ас немесе күндізгі аперольге кеңседен жүгіріп келуге ыңғайлы. Күніңіздің ең күрделі таңдауы фирмалық семифреддо мен лимонға салынған балмұздақтың арасында болсын.

Қаламен махаббат

Aurora сити-дәмханасында Алматыға деген сүйіспеншілік ерекше сезіледі, ал террасада отырып, сауық құру кино іспеттес. Тарихи қабырғалар аясындағы маусымдық арт-объектілер, диджеймен қаланың жүрегіндегі кешкілік гриль-отырыстар, күн сәулесіне бет тотығардай ұзақ таңғы астар — жаздыгүні ұнататын нәрсенің бәрі бар. Жақында мәзірде Metabody-мен бірлесе жасалған көк тағамдар пайда болды, оған қоса қантсыз, лактоза мен глютенсіз десерттер де бар — аптап ыстыққа арналған таптырмас дәмдер.

Терраса-коворкинг

Жұмыс пен демалысын қатар алып жүре білетіндерге арналған фуд-маркеттегі заманауи жазғы алаң. Мұнда онлайн тілдесу, ноутбуктан ажырамай түскі ас ішу, әріптестермен ланч кезінде жиналу немесе жай ғана ахуалды өзгерту оңай. Бағдарламада — Just Khinkali ұсынған керемет хинкали, KazMyaso ұсынған ерекше стейктер, PlanB ұсынған сөлді бургерлер мен өмірдің басқа да қызықтары бар.

Қаланың аңызы

Aroma жасыл үйінің жанындағы алаң — бұл ағаштардан түскен шілтер іспеттес көлеңкесі, мәрмәр үстелдер мен торлы «париж» орындықтары бар ескі Алматының тыныш түкпірі. Бұл жердің тыныштығы мен біркелкілігі соншалық, капучинодан просеккоға дейін ішіп, таңғы асты кешкі асқа дейін әңгіме соғып отырып созғың келеді.

Жылы сарғыш кескін

Ашық ауада алауға әзірленген тағамдар — бұл сарынды әр түрлі етіп ойнатуға болады. «Огонёк» террасасы барынша сауықты көрінеді. Пиццеттер, күлге пісірілген камамбер, бірегей трюфельді бургер және Алматыға арналған коктейльдер — кешкілік жайлы отырыстар үшін біз жасаған қарапайым нұсқаулық.

Богемалық балкон

Егер жазғы террасалар сахна болса, «Афиша» төріндегі бас әртіске айналар еді. Екінші қабаттағы балкон — богемалық вайб пен Опера мен балет театрына ашық көріністі ұнататындарға арналған. Әртістік амалдарға толы мәзір: мұнда трюфельді крок-месье, шиелі конфитюр салынған қызыл қайнақшалар, жыланбалық еті қосылған роти жұқа нандары, құрттан жасалған мусс қосылған жылқы етінен жасалған тартар.

Шарапты патио

Шарап сүйер қауымға арналған басты курорт және қызғылт петнат арқылы қаланы тамашалап отыруға болатын керемет орын. Мыңдаған шөлмектен құралған ауқымды коллекция Wine Spectator «екі бокалына» лайық, ал сомелье көңіл-күйіңізге сай нұсқасын оңай таңдап береді.

Хит-парадтың шыңы

Қабанбай Батыр көшесіндегі Del Papa жазғы жайын жарқын мурал, торлы дастархандар, жазиралы көгал мен үнемі толып тұратын қонақтарына қарап оңай тануға болады. Достық көңіл билеген бұл ортада үй пасталары, пештен шыққан пиццалар, танымал итальян десерттері әп сәтте тарап кетеді. Кешкілік террасаға әңгімелермен жан бітеді, бокалдар шырқап, апероль түсіне боялады.

Сәнді фриланс-спот

Тарихи қабырғалар аясындағы скандинавиялық ықшамдық, металлик үстелдер мен оюлы аркалар көздің шамын алады — бұл Fika стилі. Күндіз мұнда жұмысқа толы вайб сезіледі: біреулер бамблмен бриф жазып жатса, екіншілері даниш пен каннеле арасында мәтін теріп жатады. Мәзірде — артық ештеңесі жоқ жайлы гастрономия: ташкенттік томаттар қосылған фетадан жасалған крем, қытырлақ шөже еті қосылған салат, жасылкөк тұздығы қосылған фетучини.

Тартылыс нүктесі

Қонаев көшесіндегі Vanilla жазғы террасасы — бұл аңызға айналған кездесу орны. Мұнда капучино алам деп «бес минутқа» кіргендер бір сағатқа қалады, себебі жақын жерден үнемі таныстар табыла кетеді. Қала мен кофемашинаның дыбысы, күн астындағы ыңғайлы үстелдер мен аяқ астында жатқан иттер — бұл база.

Әйнекке құйылған кофе

Урбанизм, геометрия, «Қазақстан» қонақүйіне әсем көрініс және булы фонтан — осы филиалдың көркем бейнелері. Ми демалу үшін оған жақсы таныс, түсінікті әрі сүйікті бірдеңені «жегізу керек» дейді — осындайда шаруалар арасындағы үзіліс кезінде Starbucks айс-латте стаканы таптырмас шешім.

Бар-руфтоп

Алматының тап жүрегіндегі төбеде орналасқан үздік бар. Кешкілік бұл жердегі атмосфера ерекше: авторлық коктейльдер, джаз джемдері мен винилді музыка. Жеңіл, босаңсыған және аздап (немесе мықтап) мастандыратын вайб.

Вилладағы демалыс

Astra террасасы әлдебір сән журналының жазғы кампейні сияқты (және қонақтардың келбеттері де өз үлесін қосады). Уылдырық қосылған буржуазиялық тосттарды жеп, шашақты шұбар қолшатырлардың астындағы мәнерлі креслоларда шампан ішіп отыру — тапа-тал түстеді демалыс емес пе.

Париж — Нью-Йорк

Нью-Йорк стиліндегі декорациялар, а-ля Париж безендірмесі, таңғы ас, түскі ас, кофе мен пісірмелер — жергілікті abr қаһармандары жақсы көңіл-күйге кепілдік береді. Көршілес үстелдерден бизнес-келіссөздер, жаңа жобаларды талқылау, балалардың күлкісі, шет тіліндегі әңгімелер мен ғашықтық лебіздері естіледі. Бәрі орынды болатын жай.

Дала жылтыры

Мега ауданындағы нағыз олжа және орталықтан арнайы келуге болатын орын. Қысқаша айтқанда: аэстетик! Mega СОО шатырында атмосфералық көшпенділер қосы ұйымдастырылған: мұнда табиғи ағаштар, бұдыр текстуралар, кілемдер, тапшандар, орайот, балалар алаңы мен әсемдік үйлескен. Мәзірден Шығыстың бүкіл ертегілерінің мазмұнын көруге болады: хош иісті палау, қой еті қосылған мәнті, лағман, сорпа, беш.

Қаладағы «достар» маркері

«Ал ол қайда?» деген сұрақ әлеуметтік желілерде үнемі қайталанады. Жазып алыңыз: Тереңқұр серуен бағдарының қақ ортасында. March March ғажап-террасасы қалалық шудан небәрі бірнеше минут жерде жасырынған. Тасқынды тау өзенінің жағасындағы креслолар, ағаш көлеңкелері мен баяу уақыт ағыны — сәл бәсеңдеп, кофе алып, дем шығаратын үлгілі-көріністі орын.

Шығыс аруы

Марокко мен Миланның ортасы деген сипат Gaia-ға тән. Жағымды алаң, жасыл көгал, бояуға толы ұсақ-түйек пен ішіндесінің бәрін татып көргің келетін жайлы мәзір: ташкенттік палау, үйрек еті қосылған мәнті, әзірбайжан кәуаптары мен қаладағы үздіктердің бірі деген атқа лайық самса. Жақында бассейн де ашылады.

Таулар шақырады

Auyl — құр мейрамхана емес, бүтіндей бір арт-кеңістік. Террасасы да өзіне сай: зығыр кенеп, ағаш әткеншектер, киі үй, музыка — бәрінің өз мәні бар және бойыңызға көшпенділердің рухын ұялатады. Мәзір көшпенділердің дәстүрімен шабыттанса да, заманауи нақышта жеткізілген.

Одан да жоғары

Біздің Шымбұлақта орналасқан елес Альпі. Rifugio del Monte террасасы туристер мен жарнамалық баннерлердің даңғазасы жоқ тау бөлігіне бет бұрған — Қазақстанда түсіріп алуға болатын мұнтаздай таза Windows суреті. Таң сәріде осында келіп, таңғы асқа жұмсақ жұмыртқа, қара уылдырық пен боттарга қосылған картопты татып көру — жазды дәл осылай тойлату керек.

Кантри, бәйге мен кино

Haragun жазғы террасасы — кантри жанкүйерлеріне арналған қала сырты әсемдігі шоғырланған орын. Мұнда ашық далада түскі ас ішуге, бәйгені тамашалауға, ал кешкілік газондағы пуфтарға отырып, жұлдыздар астында кино көруге болады. Мәзірдің фишкасы — өз фермасында өсірілген қозы етінен жасалған тағамдар.