Kosmos: Sun Group ұсынған жаңа грек мейрамханасы

Алматыда грек асханасы жаңадан өркендеп жатқан сияқты, ал Kosmos — бүгінгі таңда Жерорта теңізі гастрономиясы қонақтарды паназиялық немесе Таяу Шығыс концепцияларынан кем түсірмей қызықтыратынын дәлелдейтін жобалардың бірі. Көп жағдайда бұл саналы тамақтануға деген жалпы үрдістің көрінісі: қонақтар өнімнің сапасына, балғын ингредиенттерге және теңдестірілген құрамға баса назар аударатын тағамдарды жиі таңдайды. Ал грек асханасы осы талаптарға жауап береді.

Kosmos атауы қайдан шықты? Команда былай деп баяндайды: «Ежелгі гректер үшін ғарыш үйлесімділік, сұлулық және мінсіз тәртіптің белгісі болған. Біз бұл идеяны Жерорта теңізі асханасы — ыстық нан, балғын теңіз өнімдері, зәйтүн майы, шарап және дастарқан басында ұзақ, жайлы кештердің атмосферасы арқылы қайта пайымдадық.

Kosmos бренд-шефі Энвер Джемилов теңіз өнімдеріне және ашық отта пісірілген тағамдарға басты назар аударды: мәзірде балық, сегізаяқ, асшаяндар, мұздатылған витриналардағы теңіз деликатестері және грек фирмалық тағамдары бар. Негізгі тағамдардың ішінде:

• Веллингтон лобстеры — бір топ адамға 124 000 теңге;

• лақ жауырыны — 36 800 теңге;

• фава кремі қосылған сегізаяқ — 19 800 теңге;

• краб, қызанақ және страчателла қосылған орзо — 18 800 теңге;

• пеште пісірілген картоп қосылған сибас — 18 800 теңге.

Мейрамхананың әр қабатының өзіндік мінезі мен атмосферасы бар. Бірінші деңгей грек аралдарынан шабыттанған: аппақ қабырғалар, табиғи фактуралар мен сәулеттік бөлшектер Родостағы Линдос көшелерін еске түсіреді — курорттық көңіл-күй сыйлайтыны анық. Екінші қабат неғұрлым талғампаз стильде ашылады: төбесі биік, жарығы мол, табиғи палитрасы және Жерорта теңізі виллаларының эстетикасынан сыр шертетін интерьері бар бұл кеңістік тақырыптық шоу-бағдарламалар мен музыкалық кештер үшін тамаша декорацияға айналады.

Коктейль картасы цитрус жемістері, шөптер және жаңа дәмдер арқылы Жерорта теңізі тақырыбын жалғастырады. Ең әсерлі коктейльдердің бірі — жидек арағы негізінде шабдалы, какао және тонка бұршақтарынан жасалған «Зевс» (5 000). Олимптің жоғарғы құдайының тарихын мәзірдегі мәтін арқылы емес, телефонды алып, видеоға түсіруге мәжбүр ететін ерекше ұсыныс арқылы жеткізуді жөн көрген: үстелген коктейльмен бірге қолында басты қаруы — кәдімгі найзағай жарқылдайтын Зевстің мүсіншесі әкелінеді.

Тіскебасарлардан йогурт қосылған пісірілген халуми (12 200 теңге), отқа үйітілген сиыр етіне (12 200 теңге) және компанияға алуға ыңғайлы Kosmos үлкен грек салатына (12 800) назар аударуға тұрарлық. Жеке тәттілерге де бөлек тоқталып өткен жөн: ең ерекшелерінің бірі — «Адонистің соңғы махаббаты» (3 800). Атауы сұлу жігітке бірден екі құдай — Афродита мен Персефона ғашық болған ежелгі грек аңызындағы сымбатты жігіт туралы хикаядан бастау алады. Олардың бозбаланың сезімі үшін таласы антикалық морфологиядағы ең танымал махаббат үшбұрыштарының біріне айналды. Мейрамхананың пайымдауында бұл сюжет күтпеген сипатқа ие тәттіге айналады: ішінде жұқалап туралған каламата зәйтүндері бар шоколадты ганаштың үсті ақ шоколадты глазурьмен қапталған. Дастарқанға ұсынар алдында үстіне хош иісті зәйтүн майы құйылып, жебіршөп бұтақшасымен сәнделеді. Мұнда тәтті, тұзды және шөптесін дәмдер ежелгі тарих кейіпкерлері сияқты күрделі бірлікте үйлесім тапқан.

Фото: мейрамхана сайттары мен әлеуметтік желілері; Yandex Maps