Hidden gems yoki Mahalliy aholi qayerga boradi

novvoy, @breadbymuslim

Gastronomik joylar boʻylab reydni «Minor somsa»dan boshlang, bu yerda eng yaxshi somsa tayyorlanadi. Palov yegani Nurafshondagi Abdujalil osh markaziga boring, sersuv goʻshtdan shashlik uchun esa Chigʻatoy Art kafesiga tashrif buyurting. Qaynama shoʻrva elchixonasi — Shoʻrva No.1, mazali beshbarmoq uchun esa men Toshkentdan uncha uzoq boʻlmagan Yangibozorga boraman. Kunni yakunlash uchun, agar kuch qolsa, Sapiens mehmonxonasidagi ajoyib kokteyllari bilan mashhur Gravity barini tavsiya qilaman.

Afisha.uz bosh muharriri

Caravan bu — nafaqat barcha mehmonlar uchun must-have maskan: oʻzbek taomlari, gilamlar va atmosfera. Ekstremallar uchun: sirk binosining chap tomonida dorixona va gumma yonida taomlarini albatta tatib koʻrish kerak boʻlgan bir milliy taomlar oshxonasi bor. Tandir somsa uchun, albatta, «Minor somsa». Shaharga xos casual borasida menga samimiy muhabbatga boy «Chaykof» yoqadi, u yerda doim bir xil mazali taomlar tayyorlanadi.

fud-bloger, @xochupiwo, «Pelikan» pivo doʻkonlari tarmogʻi CEO 4-dahadagi kichkina bozorchada bir onaxon pegodi sotadi; esimni taniganimdan buyon u oʻsha yerda oʻtiradi. Qaynoq, yangi pegodi. Shaharda hamma ularni olgan keladi. Bu doʻkon emas, u shunchaki gʻildirakli konteyner ochadi. Shuningdek, MUMda qovurilgan pirojkalar (gumma, cheburek, xamirga oʻralgan sosiska va boshqa gilt-plejelar) sotiladigan doʻkoncha bor. U yer aksariyat mahalliy aholi orasida mashhur, shu bois pirojkalar aylanmasi tinmaydi va shundoqqina frityurdan suzib beriladi.

«12» restorani bosh oshpazi, @cheff_kurbonov

Men asosan uyda yoki ishxonada ovqatlanaman, biroq teleminora ostidagi «Osh markazi”dagi ajoyib palovni rad etmayman. Har doim uning sifati va mening kasbimdagi odam uchun alohida ahamiyatli sanitar meʼyorlarga amal qilinishiga ishonaman. U yerga tushda borgan va asosiy gastronomik yodgorlik uchun navbatga turgan afzal. Muassasa soat 14:30 da yopiladi va oshpazlar (palov tayyorlash boʻyicha mutaxassislar) uylariga tarqalishadi.

«Qand» shokolad uyi asoschisi, @said_qand

Bokschilar bilan oyda bir marta uyda ochilgan choyxonada toʻplanamiz, bir oy oldin joy buyurtirish kerak. Muassasa eski shahardagi Archa koʻchadagi avtoservis yonida  joylashgan. Minor masjidi chorrahasidagi somsa ham yoqadi —  ham koʻrimsizgina joyda, lekin somsalari juda mazali. Shashlikni Oloy bozori sut rastasi oʻng tomondan olaman. Eng yaxshi mastava — Shashleek oshxonasida, «Napoleon» shashligi esa kaboblar imperatoridir. Munosib yevropa taomlari uchun doim «Kafe Kafe» («Loft»)ga boraman.

xoʻranda, BeFlex studiyasi asoschisi, @milk_amilova

Men uchun Mannam koreys kafesi oʻziga xos joy hisoblanadi. Bu kafe oʻzini uncha reklama qilmaydi, biroq poytaxtlik xoʻrandalar orasida juda talabgir. U yerga borishimga bir qancha sabablar bor: a) barcha taʼm retseptorlarim chanqogʻini qondirish, chunki koreys taomlari oʻzida taʼmlar kamalagini mujassam etadi va bitta taomda ham achchiq, ham shoʻr, ham shirin taʼmni uchratish mumkin; b) sarxushlikdan keyin oʻzimga kelish, buning uchun istalgan koreyscha shoʻrvani buyurtma qilish kerak, u sizni yaxshi qizdiradi; c) shuningdek, u yerga boshqa mamlakatlardan kelgan mehmonlarni olib borishni yoqtiraman, bu ularni gʻoyat xursand qiladi va bu joyni sevimlilar roʻyxatiga saqlab olishadi.