Астанадағы дүниежүзілік саяхат

Қаладағы ең көне қытай асханасы желісінің бірі — 1998 жылдан бері жұмыс істейді. Мұнда хогоны ұсынады — бұл дәстүрлі сычуань «самауыры», мұнда қонақтар қайнап тұрған сорпаға ингредиенттер: ет, теңіз өнімдері, саңырауқұлақтар, кеспе, көгөністер мен тофуды өздері салып, пісіреді. Сондай-ақ мәзірде арнайы ұсынылатын бейжің үйрегі, ван-зе сорпасы, «Алтын шаян», сычуань стиліндегі баялды және «Гугун» — көгөністер және шелпек қосылған сиыр еті бар.

Қытай асханасы

Мексика асханасы

Эллина Тян өзінің гастрономиялық жолын 2018 жылы Instagram-нан бастады: үй корей асханасының рецептерімен бөлісті, мастер-кластар өткізді және 2022 жылы толыққанды мейрамханаға айналған дарк китченді басқарды. Мәзірде — панчхан (кішкене табақтардағы корей тағамдары), кимпабтар, токпокки, паджон (күріш ұнынан жасалған құймақтар), яннём тауығы және дәстүрлі сазды құмыралардағы тукпеги сорпасы.

Александр Плотниковты Cheesesteak және Burritos сияқты қаланың танымал фастфуд орындары арқылы білеміз. Қазір оның жаңа жобасы — «Жасыл квартал» ауданындағы Hola-Hola. Мұнда отыратын орын жоқ — қонақтар ашық асханаға жақын орналасқан беру үстелшесінің жанында тамақтанады. Шағын мәзірдіңң негізін сегіз түрлі буррито құрайды: олардың бірнешеуі тауық еті, сиыр етімен дайындалады, ал біреуі — вегандық нұсқада. Еттен бөлек ішіне сальса мен гуакамоле сияқты классикалық қоспалар ғана емес, сондай-ақ страчателла, қызылша езбесі және тіпті трюфель тұздығы секілді тосын ингредиенттер де қосылады. Бұдан бөлек таконың екі түрі, сондай-ақ, чуррос пен начос та дайындалады. Таңертең немесе күннің бірінші жартысында келген дұрыс: ең танымал тағамдар тез өтіп кетеді.

Жапон асханасы

Шеф аспаз Марокко тумасы, сондықтан мұнда таңғы астан бастап күрделі негізгі тағамдарға дейін бәрі тиісті стильде дайындалады. Тальбиннен бастауға болады — нәзік құрылымды жылытатын ботқа: сүт, бал, чиа тұқымдары, құрма және грек жаңғағы қосылған арпа жармасы. Немесе марокко шакшукасынан бастауға болады — жұмыртқа дәмдеуіштер қосылған қызанақ соусында қуырылып, нанмен бірге ұсынылады. Одан кейін — сиыр еті мен тәтті алхоры қосылған таджин  (дәмдеуіштер, бадам және жеңіл тәттілігі бар баяу пісірілген ет) және Марракеш бастиласы — тауық еті, жұмыртқа, бал және жаңғақтар қосылған жұқа фило қамыры. Және, әрине, міндетті элемент — марокко шайы: жалбыз бен шығыс дәмдеуіштері қосылған хош иісті көк шай. Интерьер көңіл-күйді үйлесімді түрде орнатады: жылы охра түсті қабырғалар, ойылған аркалар, мозаикалық өрнектер және шығыс шамдарының жұмсақ жарығы Астананың орталығында емес, Марокконың риадында жүргендей әсер қалдырады.

Қалада екі филиалы бар, сырттай қарағанда фастфудқа мұлда ұқсамайтын ливан асханасының аутентикті фастфуд жобасы. Интерьерде — бөлшектерге назар аудару және Таяу Шығысқа сілтемелер байқалады: фактуралы қабырғалар, ықшам жиһаз және тоқыма шамдардан түсетін жылы, шашыраңқы жарық. Мәзірінде фаттуш, табуле, хумус жинақталған, бірақ бастысы — шаурма: тунец, рибай стейкі, тауық еті, питамен және тіпті фалафель қосылған түрлері де бар. Мұнда әр элемент ойластырылған: салмалар, тұздықтар (тахиниі қосылған күнжіт тұздығы және жұмыртқа қосылған сарымсақ тұздығы), құрылымдар, дәм теңгерімі. Сусын ретінде жалбыз қосылған фирмалық айранды ішуге болады.

Бразилия асханасы

Mega Silk Way СОО-дағы мейрамхана, онда Украинаның бүкіл гастрономиялық байлығы мен молшылығы жинақталған. Мәзірінде — пампушка және сарымсақ майы қосылған борщ, саңырауқұлақпен қою сорпа (юшка), ақ шараппен дайындалған одессалық мидиялар, саңырауқұлақ тұздығы қосылған дерунилер, шыжғырылған май қосылған банош және «украин сникерсі» — сарымсақ араласқан езілген шошқа салосы бар. Сондай-ақ, Бессараб базарынан әкелінген «генералдық» сало, сегіз түрлі толтырмасы бар құймақтар, ет қосылып, қуырылған варениктер және трюфель майымен киев котлеті бар. Асы бренд-шеф Сергей Байсаревичтің классикалық «Киев» тортымен тәмамдаған жөн.

Корей асханасы

Rio мейрамханасы оң жағалауда, жағалауғаға бір қадам жерде орналасқан және, бәлкім, Астанада 13 жыл бойы нағыз бразилия асханасын дайындайтын жалғыз орын болып қала береді. Оны шеф аспаз Роберто Сантос жауапты, оны залдан жиі кездестіруге болады. Мәзірдің бразилиялық бөлігінде (мексикалық бөлігі де бар — тако, кесадилья және энчиладамен) — кошинья (ірімшік қосылған картоп қамырынан жасалған шариктер), мокека де камарао (кокос сүтіндегі балық, асшаян және көгөністерден жасалған рагу) және бригадейро (қоюлатылған сүт пен ақ және қара шоколадтан жасалған кәмпиттер) бар.

Украин асханасы

Ливан асханасы

Астанадағы нағыз үй жапон асханасын дайындайтын алғашқы мекеме. Шеф-аспаз және иесі — Дайске Кишигами, оның басшылығымен жоба 2015 жылдан бері жұмыс істеп келеді. Интерьер жапон стилінде безендірілген: музыка, кітаптар, мангаға сілтеме көп — және күнделікті Жапонияның атмосферасын құрайтын басқа да бөлшектер. Дәмін тату керек: тэйсёку кешенді түскі асы (мысалы, чикен кацу — панировкадағы тауық еті немесе караагэ — қуырылған тауық саны), донбури (балық сорпасы мен соя соусы негізіндегі дәмі бар тағамдар) және скумбриямен суши (айтпақшы, бұл тағамға тапсырыстың 95 %-ын жапондар береді).

Марокко асханасы

Фото: мейрамханалардың сайттары мен әлеуметтік желілері; Яндекс Карты