Арзан әрі дәмді: 5 000 теңгеге түскі асты қайдан ішуге болады

Әйгілі шеф Александр Прошенковтың сәнді итальяндық мейрамханасы сырт көзге қымбат боп көрінгенімен, онда тиімді бағамен түскі ас ішуге болатынын әркім біле бермейді. Жұмыс күндері онда 12:00–ден 16:00–ге дейін небәрі 4 000 теңгеге әдеттегідей салат, сорпа, ыстық тағам және сусыннан тұратын сет алуға болады. Әрбір санатта тағамның түр-түрі бар — олар бір-біріне мүлде ұқсамайды (бір аптаға 10 түрлі сорпаны ойлап табу оңай дейсіз бе). Қанша келсеңіз де, жалықпайсыз.

Аздаған үстелі бар бұл терезелі корнерде құймақтың түр-түрі бар! Ең арзан классикалық құймақ тұздығымен бірге небәрі 390 теңгеге шығады, сенесіз бе? Ал ең қымбаты, уылдырықпен — 3 390 теңге. Ал жалпы 18 түрі бар: сыр мен ветчина қосылған негізгі мәзірден бастап пекан қосылған қойылтылған сүтке дейін. Сет түріндегі түскі асты алып көруге кеңес береміз: сорпа, құймақ және сусын. Васяның құймағын міндетті түрде татып көріңіз — тамсана отырып, еске алатыныңызға кепіл береміз.

Пиццерия мен кофехананың үйлесімі, Берлиннің Митте округіндегідей атмосфера, винилден ойнайтын музыка, жеке наубайхана және қуырылған кофенің иісі — ашылғанына әлі бір жыл болмаса да, бұл жер алматылықтардың жүрегін жаулап алды. Порцияларының жомарттығы соншалық, тек бір тағамды таңдасаңыз да, тойып шығасыз. Мәзірде 2 850 теңгеден басталатын пиццаның 18 түрі — 72 сағат бойы ашытылған үлбіреген қамырдан жасалған; 2 650 теңгеден басталатын салаттар — цезарьдан бастап жасылкөк араласқан пайдалы салаттарға дейін; одан бөлек сэндвичтер, тіскебасарлар және балғын пісірмелер де (міндетті түрде банан қосылған наннан ауыз тиіңіз) бар.

Алматылықтардың сүйікті орны Көк базарда әркім азық-түлікті өзі танитын жерден, таныс сатушысынан алады. Туристер үшін бұл жер жергілікті мәдениетке жасаған экскурсия тәрізді: мұнда өнімдерден ауыз тиіп қана қоймай, олардың тарихымен де танысуға болады. Бас павильонның төрт колоннасының бірінде гуглдан оңайлықпен іздеп таба алмайтын, жергілікті тұрғындар ғана білетін The Green cafe немесе «Гүлнардың дәмханасы» бар. Гүлнар тәте сізді жеке өзі қарсы алып, мәзірмен таныстырады, аш қалмасын деп асты-үстіңізге түседі. Тағамдар күн сайын өзгеріп тұрады, бәрі үйдегідей, порциялары мол. Қайталанбас әсер алғыңыз келсе, базардың қызып-қайнап жатқан тіршілігіне көрініс ашылатын үстелге отырыңыз.

Алматылықтардың ондаған жылдар бойы күш жинап, тазаратын орны, Arasan монша кешені — жай ғана монша емес. Моншаның өзіне кірмей, орталық кіреберістегі холлдан қажетті есікке кірсеңіз, мейрамханаға тап боласыз. Жылдың жылы мезгілінде даладағы үстелдерде тыныштық пен оңаша атмосфера орнайды. Мәзірге келетін болсақ: жұрт аузында жүрген, 10 сағаттап қайнатылатын сорпа — 3 000 теңге, тойымды салмалары бар чебуректер — 1 100 теңгеден, пюре мен котлет — 3 550 теңге. Қонаев заманындағы қазақстандық архитектураның соңғы жобаларының бірі, 80-ші жылдары соғылған монша кешенінде бизнес-ланч іштім деп әріптестеріңізге мақтана айтсаңыз да, ұят емес.

Дұрыс тамақтанудың отаны қайда десеңіз, ол — The Green Station деген мейрамханада. Вегандар мен вегетариандарға арналған, глютенсіз, лактозасыз, қантсыз тағамдар ұсынылады, калориялар есебі жүргізіледі, кето қағидалары сақталады — мұндай жерді тағы қайдан табасыз? Денсаулығыма зиян келеді, артық салмақ жинаймын деп уайымдамайсыз. Дұрыс тамақтану — көбі ойлағандай қиын, қымбат, шектеулі ғана тағамдар емес. Бұған өзіңіз көз жеткізіңіз: күркетауық еті қосылған врап — 2 990 теңге, асшаян қосылған паста — 3 590 теңге, ақсерке еті қосылған боул — 3 590 теңге. Қосымша опция — 1 490 теңгеден басталатын фирмалық денсаулық шоттарын татып көрсеңіз болады.

Тоғыз түрлі түркі халқының төл рецептерін біріктірген мейрамхана. Алматының лағманханаларында көп кездесе бермейтін могуру лағман (3 290 теңге) немесе көкөнісі мол цомян лағман (3 290 теңге), ал самсадан — сиыр еті мен трюфель немесе асқабақ пен зире қосылған самсаны (1 990 теңгеден) осы жерден табасыз. Бірақ мұнда келген қонақтардың қашан да сүйікті тағамы — бірде-бір майы жоқ жұп-жұмсақ бұзау еті қосылған самарқанд палауы, 2 990 теңгеден. Жұмыс күндері 12:00–ден 15:00–ге дейін арнайы ланч мәзірі бар — бағалары тіпті арзан: салаттар — 350, сорпалар — 600 және ыстық тағамдар 700 теңгеден.

Parma — үшағайындыашқан, итальянтағамдарынәзірлейтіншағындәмхана. Сәтітүссе, олартамағыңыздыөздерідайындапберіп, өзүйіндегіқонағындайкүтеді. Кішігірімдәмхана, санаулығанаүстел, бағамендәмніңтамашаүйлесімі — босүстелтаппақтүгілі, сырттағыкезектетұрып, тағамдарынанжегендеарманда, жемегендеарманда. МәзірдеИталияныңклассикасы — 1 990 теңгегемаргарита, 2 990 теңгеденарабьятажәнекарбонарапастасы, 1 490 теңгеденбасталатынчиабаттананыбарсэндвичтүрлері. Бәрішынниетпенжасалатынмұндайдәмханаларғажүрегіңтартып, қайта-қайтакелгіңкептұрады.